حاكم ظالم وشعب مظلوم

تحديث:
احنا لحد دلوقت مش عارفين ح يودوهم النيابة امتى، سيد قاعد جنب التليفون مستني، وبيقول لي لو الليلة عدت من غير ما ياخدوهم سرقة للنيابة يمكن يودوهم نيابة الجمالية في الجلاء بكرة الساعة 11 وفيه احتمال يطلعوهم مش عارفين لسة
يارب يا هادي
———–
اتصلت بسيد وقال لي ان اللي حصل ان فيه اطفال ما بين 12 الى 15 سنة كتبوا يافطة كبيرة:

حاكم ظالم وشعب مظلوم
الامناء والظباط استفزهم المنظر راحوا عشان يشيلوا اليافطة راحوا الاهالي منعوهم راحوا الشرطة ضربتهم
ولاد الهابلة
بيضربوا شباب منشية الناصر والدويقة؟ طيب دي ناس عندها عقل دي؟
طبعا لك ان تتخيل بتوع الدويقة ومنشية ناصر ممكن يعملوا ايه في ظباط بيضربوهم على باكتة بانجو فما بالك وهم ميت لهم موتى وبيوتهم مخروبة ونايمين في العراء
النتيجة تلات عساكر وامين مصابين
وبررررررررضه ما عرفوش يشيلوا اليافطة، وطبعا ما عرفوش يقبضوا على حد في الخناقة، جم بالليل راحوا قابضين على تلاتة من البيوت من باب التخمين
محمد رجب خطاط فالبوليس استنتج بذكائه النادر انه اكيد هو اللي عمل اليافطة مدام خطاط
ومحمد فتحي وابراهيم علي عشان دول اللي بيجروا في الشكاوى
شوفوا الذكاء والنباهة؟ شوفوا الحلاوة والتنظيم…استغفر الله العظيم الموضوع مأساوي بس انا فعلا عمالة اضحك
اخدوا علقة موت عشان يافطة وبعد ما الخناقة انفضت طلعوا من تحت الترابيزة وعملوا رجالة وقبضوا على تلاتة مالهمش علاقة باي حاجة
فهمت من سيد ان الموضوع امن دولة وانه في انتظار تليفون يخطره بهل هم ح يتحولوا على النيابة بكرة وللا لا وح يبلغني
انا اول ما اعرف ح ابلغكوا المعاد والمكان وانام عشان اروح بكرة ان شاء الله
—-
يا جاااااااااااااابررررررررررررررررررررررررر
مش هم قبضوا عليهم عشان حاكم ظالم وشعب مظلوم؟
طيب يا جابر او اي حد له في البنرات – عشان جابر ساعات يتقل عليا – ياريت تعملوا بانر عليه نفس الجملة ونعممه على المدونات
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: