ماهي المصيبة اننا شعب واحد

ولا حد عمره ح يعرف ايه اللي حصل في ابو فانا، ولا حد عمره ح يعرف مين اللي قتل القتيل، ولا حد عمره ح يعرف ايه حكاية تعذيب الرهبان
ليه؟

لاننا شعب واحد، دم واحد، مخ جزمة قديمة واحد، ماهو احنا لو كنا شعبين يمكن كان يبقى فيهم واحد بيفهم وحداه مخ في راسه مش فردة مركوب
يووووووووووووو انا قلت اننا لازم نقلع عن الرسائل السلبية عشان تأثيرها وحش على العقل الجمعي للذهنية الانتاجية خاصة في ظل العولمة في غياب المضمون
اتنين صعايدة اتخانقوا، عمرك ح تعرف الحقيقة؟ ابقى قابلني
عمرهم ح يتصرفوا زي ناس في دولة بيحكمها قانون ويحتكموا ليه؟ ابقى غرق وشي تفافة
اساسا اساسا بيان الكنيسة كان غامض في الاول اللي كان بيشترط الصلح بانه لا يتم توجيه تهمة للكنيسة
وده معناتو ايه عاد؟
هل معناتو ان فيه حد من طرف الكانيسة متورط في دم الرادل اللي انجتل؟
طه
الناس اللي خطفوا مواطنين وعذبوهم زي مباحث امن الدولة ع يهملوهم عاد؟
يعني واحد انجتل وتلاتة اتشعلجوا من حواجبينهم وع يتصالحوا ويتنازلوا عن المحضر وطبعا ع يتنيه اللي في الجلب في الجلب يا واد عمي
ويردع ابوك حدا خوك ويرجدوا لبعضياتهم في الدرا لدل ما يمسحوا عارهم بعد ما خردوا الحاكومة من باناتهم لانيهم ماهماش حريم ولا لابسين طرح لجل ما يروحوا يعيطوا حدا الحاكومة
طيب فالحين عاد
وواجعين روسنا عاد
ولا عمرنا ع نعرف لكوا راس من ردلين عاد
تستاهلوا بعض عاد
ده انتوا تكفروا الاوليا عاد
ما عنتوش تاكلو دماغنا بحكاويكم واصل فرجتوا علينا الاموركان وخليتوهم يدلوا حدانا وحفنة صوياع ع يهددونا باموركا وانتوا جاعدين تاكلم في بعضياتكم عاد
خنجتونا…مبروك الصلح الاسود اللي ع ياجي بعديه ايام اسود من جرن الخروب والله اعلم مرجدين ايه لبعضياتكم
وسمعنى ذئاب الجبل
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: