هي هي هي هييييييييييييييييي

الله طب والسلطات المصرية كانت ح تعمل لهم ايه؟ عالم فاضية ومعاها قرش محيرها وجاية عندنا تجيب حمام وتطيره هم يعني كانوا عيال صغيرة
وبعدين مين قال لهم ان السلطات المصرية ما قامتش بدور؟ امال مين اللي كان بيدعي لهم طول الليل؟
والحمد لله ربنا استجاب والخاطفين باين زهقوا وللا ايه من السكة راحوا سايبينهم وماشيين
الله…الا الواحد يخطف الناس ويسيبهم في السكة كده؟ هي دي اخلاق القرية اللي علمها لنا الرئيس السادات؟ هي دي الاصالة والمعاصرة؟ وبعدين ايه حكاية رجعنا لوحدنا احنا ناس بنهتم بالتربية واهم حاجة عندنا الاعتماد على النفس
اذا كان اهالي الدويقة اعتمدوا على نفسهم في انهم يطلعوا الجثث من تحت الانقاض قوم عايزين السلاطات تهتم بالسياح؟ وبعدين مش كان معاهم مرشدين مصريين؟ امال هم بياخدوا فلوس على ايه؟ مش عشان الظروف اللي زي دي
هئ هئ هئ
احسن احسن انا شمتانة قوي في الحكومة، ماحدش يقول لي السياحة ح تنضرب اصلا السياحة بشكلها الحالي في مصر حاجة مخزية جدا، عندنا آثار مش موجودة في اي حتة في الدنيا ولاد الكلب يسرقوها ويبيعوها ويجيبوا السياح هنا يفتحوا لهم مواخير وتبقى هي دي السياحة
امال ايه بس الاعلانات بتاعة السياحة ويطلعوا خواجات يشخطوا في الشعب المصري كله ع التلفزيون
والله الحكومة دي زي الوز حنية بلا…بلا
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: