وائل عباس مش هو بهيج

همممممم
اما اسليكوا بقى، شوفوا، اولا انا عرفت ازاي
اهو ربنا رزقني بحد تعب نفسه معايا شوية بدل الموكوسين اللي عمالة اقول لهم هاتوه هاتوه، قال بصي ده واحد اتخانق معاكي من زمان وبيدخل ببروجرام معين سيبيني كده اشوف التعليقات القديمة طبعا ما تحرجونيش بقى وتسألوني اسئلة فنية انا واحد اباتاثا جوحن يعني في الكمبيوتر، المهم راح وقعد شوية وعرفت بقى انا كان بيدخل لي بانونيمس بيدي نفسه اسم مش عارفة مهاجر وللا مغترب حاجة كده يعني، فاكرين اللي ساعات كان يدخل لنا ويقول لنا: انتوا شعب غبي متخلف انتوا شعب جربوع انتوا شعب الفجل يا كلاب؟ حتى فيه ناس منكم دخلت شتمته، طب والله ما شتمته ولا جيت جنبه ابن المجنونة ده، هو تعليقاته استفزازية وبيدخل يشتم الشعب المصري المتخلف على اساس يعني انه هو من التبت، فناس كتير من المعلقين كانوا بيدخلوا يشتموه بالاب والام وبصراحه لهم حق يعني، قلت للصخص بس ده انا مش شاتماه قال لي بصي هو باين عليه من تعليقاته انه مش مظبوط قوي فما تاخديش يعني على ردود افعاله المهم بقى عرفنا انه من عيلة الفقي، دي هو قالها، الفقي اللي في المنوفية، وعلى فكرة كان بيدخل مدونات كتير برضه باسماء زي مهاجر ومغترب وحاجات كده بمعنى قرفان من البلد وكده وتعليقاته معظمها يا شعب جربوع معفن والغريبة ان الناس برضه بتدخل تشتمه منين ما يروح، ما تفهمش انا بالذات اللي ضايقته ليه؟
آه ضايقته ليه؟ ضايقته عشان انا افخر واتشرف وتاج على راسي اني تربية ست الناس وشريفة الاشراف شاهندة مقلد. وهو بما انه من عيلة الفقي فخلاص كده بقى اعرف اجيب اوله واخره بسهولة، مين يا طنط من عيلة الفقي سنه في حدود كذا وفي امريكا وغالبا فيه حاجة مش مظبوطة؟
بصوا لا حرام انا مش ح اقول، هو بيتعالج، وبصوا تاني، ده واحد من عيلة الفقي اللي ارضهم اصلا جدهم اخدها بالتعاون مع الانجليز بعد ما خان عرابي، هو كان ناظر زراعة لا راح ولا جه، واللي كانوا عاملين سجن في القصر بتاعهم وبيعلقوا الفلاحين ويجلدوهم ولما يعملوا عزومة يدفنوا اللحمة والفراخ والسمك تحت الارض عشان الفلاح لو اكل ح يتسعر وعندهم عدد لا بأس به من البلطجية، من عينة بهيج كده والله، آه هو صحيح مريض ربنا يشفيه، بس هي طريقة البلطجة والسفالة واسهل حاجة الخوض في الاعراض والجبن وعدم المواجهة، وكده انا بقى فهمت هو ليه كان بيتشال ويتحط لما كنت باشتم السادات وكل ما اعيد نشر قصيدة خالد.
انا بما اني كان عندي شكوك معينة فكنت باعيد نشر القصيدة واشوف رد الفعل الاقيه سايب على القصيدة دي مثلا 350 تعليق وجنان بقى تحس ان واحد في حالة هيستيرية. ليه بقى؟
هم اهله منهم لله على فكرة هم السبب في مرضه، العنف والقسوة من ناحية، والحقن بالكره للناس من وهو صغير واشعاره بقى انهم اتظلموا وعبد الناصر ادا الفلاحين الجرابيع ارضهم
مع انكوا شوفتوا طريقة كلامه واظن تقدروا تحكموا من تصرفه وكلامه مين الجربوع.
المهم اهله بقى ساقيينه الغل والاحساس بالظلم، يعني يا اما يستعبدوا الفلاحين يا اما يبقوا مظلومين، وهم في تراث العائلة بيحبوا السادات موت موت موت، مقدس عندهم.
ليه بقى؟ ايام قانون الاصلاح الزراعي السادات زي ما انتوا عارفين منوفي فقير دقة، هو كان في مجلس قيادة الثورة وكان مسئول عن قانون الاصلاح في المنوفية، كان بيساعد عيلة الفقي انها تهرب اراضي. يعني ايه تهرب اراضي.
يعني واحد يبقى عنده املاك ينطبق عليها قانون الاصلاح الزراعي، يقوم الواحد ده يقسم الارض ويسجلها باسماء ولاده وشوية بقى من الشماشيرجية بتوعه وياخد عليهم شيكات وايصالات عشان يضمن حقه في ان الارض ترجع له. مين بقى اللي كان بيساعدهم علنا عيانا بيانا على عينك يا تاجر قدام كل الناس؟ ايوة هو السادات، انا مش فاهمة عبد الناصر ده كان اهبل وللا ده بيحصل بمزاجه وللا ايه الحكاية؟ وعلى اساس مساعدة السادات ليهم بقى من اصحاب الاملاك…قال…قال، هو ما كانش لاقي العيش الحاف فجأتن كده سذاجة بقى صاحب اطيان، برضه عبد الناصر كان فين ساعتها؟ مش معقولة يعني يكون ما كانش عارف، حاجة غريبة قوي، طيب يعرف ويسكت ليه؟ بيخزي عينه مثلا؟ مش عارفة المهم يعني سواء عبيط ومش عارف او عارف وبيقول يسرق قدام احسن ما يسرق من ورايا في الحالتين غلطان
بصوا هو حياته شخصية مش مأساوية ولا حاجة، هو بس غلاوي وجبان واهله كانوا بيعاملوه بعنف، وفاشل في كل حاجة مش بيعرف يكون صداقات مش بيعرف يبقى له اي علاقات شخصية ومحقون بمعلومات غلط واحساس بالظلم وبعدين المرض النفسي مالوش مبرر دي بتبقى كيميا مخ الى جانب يعني مش كل واحد انضرب بالحزام وبعصايا مش عارفة شكلها ايه يطلع كده والا الفلاحين بقى في كمشيش كان زمانهم كلهم في مستشفى المجانين
الغريبة، وربنا يشفي كل مريض يا رب ولو اني استغفر الله العظيم ما اتعاطفش مع اقطاعي حتى لو كان مريض بقى، اساسا شوفوا تربيتهم عاملة ازاي هم دول اللي بيقولوا على نفسهم ولاد اصول ومتربيين والله العظيم كان في الاواخر بيسيب تعليقات انا القليلة الادب ما كنتش باقدر اكملها انا ايه؟ ده جيمي ومالك والشرقاوي التلاتة لو اجتمعوا على قلة ادبهم ما يعرفوا ينطقوا كلمة واحدة من القذارة دي، ويقولوا احنا ولاد اصول وقال ايه من الاشراف…هئ هئ هئ هئ
من فرع ابو لهب بقى
وده السر اللي خلاه يدخل في البوست بتاع ولا كل من ركب الجمل جمال وينهار على الكرسي يا مرسي وبرضه حاجة في منتهى القذارة
انا بقى ان شاء الله ح اعمل لكوا قريب بوست عن عائلة الفقي اللي دلوقت في كمشيش بتطرد الفلاحين من اراضيهم وعايزة ترجع اقطاع تاني وبيعاملوا الفلاحين زي الحشرات وبيشردوا اسر كتير. وعلى فكرة دي طريقة تربيتهم لعيالهم يعني مش عشان ده مريض، اسهل حاجة عندهم الخوض في الاعراض ده حتى المنايفة بيضحكوا ويقولوا ماحدش بوظ سمعتنا غير العيلة دي، ولو مصطفى يسأل جده ح يقول له.
المهم بخصوص الزميل، انا قفلت بقى التعليقات عشان الناس اللي داخلة تهدي النفوس، ايوة هو دخل شتم الاول من غير ما اعمل له حاجة وشتمني وشتم ابويا وسب لنا الدين، بس كان داخل باسمه يا جماعة، وصحيح اساسا لولا الشتايم اللي مالهاش لازمة اللي دخل سابها لي على المدونة من غير سبب غير اني نشرت قصيدة ما كنتش شكيت فيه، بس هو شتم باسمه والناس شافته وهو بيشتم وخلاص، لكن انا شكي ده نقلته ليكوا وثبت لي انه اتهام في غير محله بالدليل وانا ما باعملش حاجة عشان خاطر حد اصلا المعاملة منتهية من ساعة اللي حصل اول مرة ومش ح ترجع انا باعامل ربنا عشان ماحدش يبقى له حق في رقبتي، ثم انا مش جبانة 🙂 لو مش ح اعرف اشهد بالحق على نفسي يبقى باشهد بيه على غيري ليه بقى؟ دي كل الحكاية يعني فما فيش داعي لتهدئة النفوس يعني هي هادية خلقة ربنا 🙂 ومافيش داعي للفتي وكل واحد يدخل يقول بقين وهو مش عارف حاجة عشان كده قفلت التعليقات
اما بقى بالنوسبة لعيلة الفقي اللي لجل حظي طلع لي منها واحد مجنون فانا ان شاء الله بعون الله ح اعمل لكوا كام بوست كده تعرفوا بيه تاريخ عيلة الفقي وياريت الي عنده مذكرات عرابي يشوف قايل ايه على جدهم الكبير
واللي مش عنده اقول له انا ع المدونة هنا ياللا مش عامل لي مجنون؟
انا بقى ح اخليه ينط م الشباك
بقى يا ربي توقعني في واحد اقطاعي ومجنون ومعقد وفاشل ومفتري؟ كل ده؟ اصل انا ضد الاقطاع تماما بس مش كل عائلات الاقطاع كانت بتعمل كده في الفلاحين لكن انا بقى على قرعتي شوطت في الكاكا
اهو بعت لي تعليق من تعليقاته اللي كل الناس شتمته عليها:

واحد هاجرمن زمان said…

إيه السذاجه والغباء اللي مالوش حدود ده؛ يعني الناس كانت متخيله فعلا إنها حتاخد العلاوه من غير أي تضخم أو زياده في الأسعار بعد كل اللي إتكتب عن طبع أوراق بنكنوت بدون رصيد وعن إن البلد مدمره؛ فعلا شعب ابن متناكه بلهارسيا وغبي صحيح، ماتنسوش تقولوا الكلمتين بتوع بعد النياكه حسبي الله ونعمه الوكيل أو ربنا على الظالم

والنبي خشوا ع اللنك كل الناس شاتماه الا انا…ربنا يشفيه والله


انا كنت اشرت ان وائل عباس هو بهيج واستغفر الله العظيم من ذنب وائل عباس طلع مش هو بس فيه كام حاجة حصلت هي اللي خلتني اشك فيه

اولا: بهيج كان بيدخل يدافع عن السادات دفاع عصبي ومستميت ويقول لي السادات اتظلم!
ثانيا: فاكرين لما كتبت في احد التعليقات اني ندمانة اني عملت مودريشن؟ لانه كان بياخد جمل جاهزة من عند الوعي المصري او تعليقات وائل ويحطها زي ما هي
ثالثا: لما قلت لمينا انا شاكة ان وائل لان بيقول كذا كذا فمينا قال لي لا مش هو قلت له يجيب الاي بي ادرس بتاعه…ما رضيش ابدا يدي لمينا الاي بي ادرس
رابعا: كان مينا ناشر موضوع فيديو البنت والعصا ده ودخلت علقت فلقيت واحد انونيمس والله العظيم ما كنت اعرف انه هو وائل بس الانونيمس قال لي انت هابلة قلت له انت اللي اهبل وابن هابلة وانا والله العظيم كمان مرة ما اعرف انه وائل بس انا بصراحة باستحل الانونيمس ده لانه اذا هو بيقول على نفسه مجهول يبقى يتعامل بنفس الطريقة المهم سبت التعليق ده اللي باقول فيه اهو انت اللي اهبل وابن هابلة وخرجت من المدونة بعديا بدقيقة دخل بهيج يشتمني جامد قوي ومينا اتصل يقول لي: بصي هو الانونيمس الاولاني وائل بس الانونيمس التاني بتاع بهيج ده مش وائل وانا اساسا ما كنتش شفتها اصلا
خامسا: بهيج يدخل اقوم شاتماه يروح وائل يتصل بمينا ويقول له شايف نوارة بتشتمني…الله يا سبحان الله، فقلت لمينا انا باشتم بهيج…هو بهيج؟ قال لي لا بس انت تقصدي تشتمي وائل قلت له لا انا اقصد اللي داخل لي بالاسم ده هو مش ح يزعل الا اذا كان هو فعلا
سادسا: الحقيقة رد فعله كان عجيب قوي، طلبت الاي بي ادرس ما اداهوش لمينا، اشتم بهيج يقوم هو اللي يزعل اشتم انونيمس والله ما كنت اعرف انه هو وائل يقوم يدخل بهيج يشتمني ويتصل مينا يقول ده مش وائل من غير ما اسأله طب انا ما كنتش شاكة هو شككني ونفسه بهيج يتعمد ياخد مقتطفات من عند وائل او بقى متأثر باسلوبه من كتر ما بيقراه…بس لا ده كان بياخد جمل كاملة وعشان كده قلت انا ندمانة اني عملت مودريشن ولما قلت الكلمة دي الظاهر هو قرا وبطل ياخد من عند وائل تاني بعد الخناقة اللي حصلت بيني وبين وائل على اساس ان عنده ضمير قوي يعني وصعب عليه اني ظلمت وائل طب وكان بياخد منه من الاصل ليه؟
سابعا: ايه اللي خلاني فاض بيا بقى وكتبت بوست؟ ان يوم ما كتبت بوست على البنت بتاعة الفيديو وائل دخل يتناقش معايا بانونيمس وانا عرفته من طريقته وحتى في وسط الكلام قلت له يا وائل وهو ما علقش بس الشهادة لله كان بيتناقش ما كانش بيشتم بس فضل يتناقش يتناقش وانا زهقت من الكلام خصوصا انه عامل انونيمس رحت رايحة لغيت الانونيمس وكنت لسة سايبة تعليق لوائل باقول له: كفاية يا وائل بقى انا زهقت من المناقشة وبعدين لغيت الانونيمس ورجعت اول تعليق جاني بعد المودريشن من بهيج بيدافع عن وائل باستماتة كأنه ابنه البكري
فقلت لا بقى، لا عايز يدينا الاي بي واصلا رد فعله على شكي فيه كان مش منفعل قوي وانا يعني عارفة وائل وعارفة انه لما بيبقى مظلوم بيتشال ويتحط وكل ما اتناقش معاه في تعليقات والكلام ما يعجبوش يروح داخل بهيج يبقى اكيد هو
حاجة كمان مهمة جدا ان وائل لما دخل شتمني عشان نشرت قصيدة خالد الاسلامبولي بعدها بتمانية واربعين ساعة بالظبط اتعمل اكاونت بهيج ده وكان بياخد كلام من كلام وائل
لما وائل دخل يتخانق سألته الاسئلة دي، وسألته عن حاجة كمان، ليه كل ما بهيج يعلق تيجي انت وتعلق في نفس المكان كأنك عارف بالظبط هو بيدخل فين وبيعلق امتى ايه الارتباط الشرطي ده
كل الاسئلة دي وائل ما جاوبش عليها ولا عرف يبررها غير انه قال لي ما اعرفش…ما اعرفش فعلا
يعني حظ مهبب من الاخر بس انا اتأكدت النهاردة انه مش وائل مية في المية اكيد اكيد مافيش عندي ذرة شك في الموضوع ده مش بس كده ده انا عرفت قصة حياة بهيج من طأطأ لسلامو عليكو
بس عيب ما يصحش ربنا اطلعني على اسرار الناس افضحهم
بس قسما بالله العلي العظيم قسما بالله العلي العظيم قسما بالله العلي العظيم يمين احاسب عليه كمان مرة لو شفت اي تعليق فيه سفالة سواء باسم بهيج وللا مش باسم بهيج سواء هو فعلا وللا مش هو بقى انا مش كل مرة ح اقعد احقق قسما بالله لاقول كل اللي في معدتي وكل اللي انا عارفاه بالاسماء مش بس اسمه اسمه واسم والده ووالدته وجدوده وكل اللي يتشدد له وحاجة الاجة خالص
الشتايم الي وائل شتمها لي على المدونة قبل الخناقة دي او بعدها في مدونتي او مدونة مينا حاجة لانه دخل باسمه مرتين وبانونيمس عند مينا واني اتهمته بانه بهيج دي حاجة تانية خالص ولازم زي ما اتهمته لازم ابرأه من التهمة دي قدام الناس اللي انا اتهمته قدامهم
اه ده بهيج دخل تاني دلوقت هي دي الحاجة اللي كنت مستنياها
طب مؤقتا كده هو اسمه مصطفى الفقي بس مش مصطفى الفقي الاصلي هو مصطفى الفقي تاني بس من عيلة الفقي وما ادراك ما عيلة الفقي وزي ما انتوا شايفين يا اطفال هي دي رباية الاقطاعيين والحمد لله ان اللي داخل يقول كلام سفيه يبقى اصلا ارضه مسروقة وفلوسه حرام وكمان حاسس بالظلم بسبب امراضه النفسية بقى ربنا يشفيه وكانوا بيعلقوا الفلاحين من رجليهم ويضربوهم بالفلكة وبيقول على نفسه ابن اصول ده تعليق ابن اصول؟
هو في امريكا وبيتعالج من مرض نفسي بقاله مدة
انا داخلة انام دلوقت بكرة ان شاء الله احكي لكوا عليه بالتفصيل وعلى كل العيلة وعيلة العيلة
حاجة ايه…بهيج خير ممثل ليهم واساس اهله كانوا بيعذبوه و…وللا بلاش بقى عشان دي منطقة اعراض
بكرة بكرة ح اسليكوا

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: