ومن لمسيحيي الموصل

يعني قاعدين تتكلموا عن الخطر الشيعي اللي بيهدد السنة وبعدين ترجعوا تقولوا السنة اربع اخماس المسلمين طيب فين التهديد؟ بالمخ كده يعني خمس ح يهدد اربع اخماس ازاي؟ لا وطالبين من ايران اعتذار عشان اتشتمت وزعلت انها اتشتمت
لا واللي يغيظ بقى ان التانيين – الايرانيين يعني – فصلوا صحفي من شغله عشان اساء للقرضاوي!
طيب طيب بلاش كلام في الموضوع ده
طيب دول مش بني ادمين يعني؟ عمالين يتهجروا من بلدهم ومستفردين بيهم في العراق ويقولوا لهم ادفعوا جزية ويشأمظوهم ويرعبوهم، الا ما فيه كلب نبح عليهم وهم راحلين من بلدهم، الا ما حد عبر قرعتهم ولا كنايسهم اللي عمرها الفين سنة ومخطوطاتهم النادرة، هم اساسا تلاتة في المية من تعداد العراق، وفصيل نادر
انا مش باهرج، مسيحيين العراق غير اي مسيحيين في الدنيا، من حيث العرق ومن حيث المذاهب والكنائس والاناجيل النادرة والتقاليد، فصيل تاريخي يجب الحفاظ عليه، دول لو اتعمل لهم تحليل حامض نووي نتيجة التحليل ح تتحفظ في متحف. هم ح يلاقوها من الامريكان اللي عمالين يغيروا لهم طايفيتهم بالعافية، واكتر من مرة يستنجدوا بالعالم ينقذهم من استهتار الامريكان بطوايفهم ومقدساتهم، وللا من اللي بيقولوا لهم ادفعوا جزية عشان احنا اعلنا الدولة الاسلامية في الميدان ده وكل المسيحيين اللي ساكنين في الميدان ده لازم يدفعوا جزية، وان شاء الله بكرة ح نفتح الشارع الوراني وندفعهم جزية ويا الدفع يا القتل
اهو هو ده التهديد بقى يعني، وتهديد من ناحيتين، تهديد من ناحية الاحتلال اللي عايز يغير هويتهم التاريخية وتهديد من ناحية ناس بتفتح زقاق وميدان وتقول هنا الدولة الاسلامية في بلاد الرافدين
وللا دول حلال فيهم؟
اه اكيد حلال فيهم ماهم مش من الفرقة الناجية بقى
انا عايزة افهم يعني لب الفلسفة الاسلامية مبنية على العدالة وحتى بيتريقوا علينا في الموضوع ده ويقولوا لنا انتوا مش مؤمنين بالحرية انتوا مؤمنين بالعدالة! على اساس ان ده عيب يعني في الفلسفة الاسلامية
طيب ليه بالذات احنا ما بقاش عندنا عدالة؟ وللا ده بسبب لخبطة المنطق هو اللي اخل بميزان العدالة؟ وللا من كتر الظلم اللي وقع علينا بقى نفسنا ومنى عينا نظلم اي حد زي العيل اللي بينضرب واول ما ربنا يحكمه على عيل اصغر منه ينزل فيه ضرب؟ وللا عشان كل الموازين في العالم بقت متلخبطة فاحنا كمان مخنا اتبرجل؟
باي منطق خمس بيهدد اربع اخماس وتلاتة في المية يترموا في الزبالة ويتظلموا ويتهجروا من اراضيهم وماحدش سائل فيهم غير بتوع العشائر اللي لو كانوا بينفعوا كانوا نفعوا نفسهم؟
فـَصـَبـْـــرًا جـَمـيـــلا …
فـَأنـْتـُــمْ بـنـَــا – و بـكـُـــمْ – قـَــدْ بـُلـيـتـُـــمْ
و نـَحـْـــنُ بـِكـُـــمْ – و بـِنـَــا – قـَـــدْ بـُلـيـنـَـــا …!
فـَلـَعـْنـَـــة ُ رَبـِّـــي عـَلـَيـْنـَـــا إذَنْ أجـْمَـعِـيـنـَــا …!
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: