هههههههههههه لا لا لا لا لا بجد؟

الفيديو بتاع حلقة الحياة اللي فيها مواجهة ما بين نهى رشدي ونجلاء الامام ايه نجلاء الامام دي؟: انا ست محترمة..انا عضو في المجلس القومي للامومة والطفولة
على فكرة ده رأي مالك مصطفى في المجلس القومي
المهم، هي اتصلت ليه؟ او هم اتصلوا بيها، قبلت ليه انها تعلق؟
حضرتك يا فندم قلتي الكلام ده؟

– اللي هو ايه؟
اللي هو ان نهى اسرائيلية؟
– انا ما اقبلش حد يكلمني كده…
هههههههههههههه
ايه العثل ده..حاجة وسخة فعلا، البنت تضطر انها تطل باسبورها قدام الناس وتفتحه قدام الناس وعمالة تقول انا مواطنة مش شخصية عامة عشان يتعمل عليا كل ده دي حاجة مزعجة جدا دي قضية وخلصت صح يا نهى دي قضية وخلصت، ايه اللي يخلي بقى الست المحترمة عضو المجلس القومي للامومة والطفولة تعمل الضجة دي دلوقت بعد ما القضية خلصت؟ لازم فيه سر عايزة الست تلهينا عن ايه بالظبط؟ فيه ايه بيحصل من ورانا؟ وللا يكونوا عايزين يلهونا عن العيل اللي مات؟ وللا عشان المحلة امبارح كانت متحاصرة؟ وللا ….آآآآآه ده الريس عمل حوار مع يدعوت احرنوت وقال الكلمتين دولم: سمدار‏:‏ أريد أن أسأل سيادتكم عن رئيس الوزراء شارون كيف تلقيتم نبأ ادخاله المستشفي؟
الرئيس‏:‏ والله أنا شخصيا أتخضيت لما سمعت الخبر لأننا كنا بنينا علاقات مع بعض‏..‏ الحقيقة كان فيه ثقة ابتدت متبادلة بيننا والحقيقة كنا بنتفق علي حاجات وكان بينفذها فسألت عليه علي طول‏.‏

سمدار‏:‏ هل لدي سيادتكم ثقة في اولمرت؟
الرئيس‏:‏ أنا ما اتعاملتش مع اولمرت كتير لكن أنا قابلته مرة واحدة هنا وأنا شعرت أنه راجل كويس اوي وراجل هادي وعندي أمل كبير قوي أنه حيساعد كتير في عملية السلام‏.‏
اتخض على شارون…يا قلب امك يا ضنايا..يا ترى عامل ايه شارون يابني؟ جعان وللا شعبان رجب وللا رمضان، بس الحمد لله ربنا عوض علينا باولمرت….راجل هادي كده وعاقل، وكان الريس قبل كده قال عليه طيب طيب…. طيب ياريت نسيب بقى نبيه الوحش ونجلاء يجاهدوا ضد نهى رشدي ونقرا الحديث اللي نشرته الاهرام بذات نفسيتها في البوست اللي فوق دهون
وقد قررنا نقل نص الحديث وتعليقاتنا عليه الى بوست اخر عشان الشكوى من البوستات الطويلة…مش ذنبي والله ريسكوا رغاي


Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: