وقفة احتجاجية للتضامن مع الطبيبين المصري المجلود

مينا بعت لي على الجايكوا الاتي:

غدا الساعة 12 ظهرا وقفة أمام نقابة الأطباء تضامنا مع الطبيبين المحكوم عليهما بالحبس والجلد بالسعودية

اه وبعت لي الجايكوهاية دي كمان:
ويوم الأربعاء وقفة تانية قدام الصحفيين الساعة خمسة ومؤتمر تضامني برعاية لجنة الحريات في الصحفيين الساعة ستة… يا ريت حد يعمل إيفنت ع الفيسبوك ويبعت الدعوة للبشر لأني مشغول لشوشتي

وقبل ما حد يسألني ايه الجايكو، الجايكو اهو
الا انا سألت سؤال تبي والسادة الاتباء ما حدش فيهم رد عليا

هو فيه حاجة اسمها دكتور تخدير يدي جرعة زيادة قوم المريض يدمن المخدرات؟ الكلام ده عولمي؟
انا كنت فاكرة زمان وانا صغيرة ان البنج ده الجرعة الزيادة فيه بتموت مش بتعمل دماغ!
افيدونا يا اهل الذكر
——–
النهاردة بقى الساعة ستة وقفة احتجاجية في طلعت للتضامن مع حزب الغد
ثانية واحدة، عشان انا كمان بصراحة ما كنتش مقتنعة
لكن مالك مصطفى اقنعني ان الوقفة دي ضد بلطجة الامن، مش مع ولا ضد حزب الغد في حد ذاته، وانما ما ينفعش الامن يجند ناس ويسلطهم يحرقوا، ولو حتى يا سيدي مش مجندين من الامن، الامن كان واقف يتفرج ولم يحم المواطنين بل على العكس نزل لهم فرق كارتيه تضربهم
لو فرضنا ان اعضاء حزب الغد بيتخانقوا مع بعض وطرف فيهم بيحرق للتاني بدون تدخل الامن، الامن شغلته ايه غير انه يحمي المجني عليه مش يحمي الجاني، ولما يحمي الجاني يبقى احنا بندفع له مرتبات من ضرايبنا ليه؟
ده بالنوسبة لمالك انه اقنعني وانا بقى مش ح اتناقش معاه في حاجة عشان انا خايفة يقنعني بعد كده اني اتجوز زكريا عزمي وللا حاجة

Advertisements

One Response to “وقفة احتجاجية للتضامن مع الطبيبين المصري المجلود”

  1. Menakef Says:

    الأمر لا يعدو أن بكون إستغلال وضيع للسلطة والسلطان والنفوذ للعبث بالبشر والشرطة والقانون والقضاء والقضاة وأحكام الدين الحنيف من قبل أحد المترفين الفاسقين ذوي النفوذالذين يفسقون في القرى فيحق القول على البلاد والعباد فتدمر! فعن أي قضاء يتحدثون وعن أي نزاهة؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: