البسكلتة البسكلتة البسكلتة

وبهاذوها المناسبة السعيدة، احب اشكر الاخ ناصر الفدائي والاخ مصطفى اللوذعي والاخت البيللا بتعاطفها وتأثرها، والاخ مهنا، والبوهي وميدو وسمعنى احلى سلام للست دعاء ست البنات الامور الاصل احلى من الصورة، سألتها الحلوة منين قالت انا مش فرفورة، ومعاها خمسة فضفضة واحمد عبد الفتاح ابو الاحمدات، ومادو، واحمد شقير واماني وهاني جورج وغزالي وطيارة ورق
وكل الشباب اللي سهر معايا امبارح ليلة ليلاء كحلاء سوداء جرداء لا زرع فيها ولا ماء
وطبعا مالك وعمرو غربية…غصب عنهم يسهروا هم يقدروا يعملوا حاجة تانية؟
وفكرة تغيير اللنك دي مصطفى فكر فيها بس انا وهو خفنا ننفذها، لكن ناصر طلع اجدع مننا وعملها
ونقدر نقول اننا ح ندون من هنا مؤقتا…بسم الله الرحمن الرحيم، لحد ما ربنا يكرمنا ويخلصوا مراجعة المدونة ووالله اللي بيراجع المدونة يستاهل كل خير لانه لبس في 1500 جلدة..قصدي 1500 مدونة بيقراهم يا قلب امه مدونة مدونة، منهم مدونات قديمة كنت باسيب ما بين الجملة والجملة سبعة متر، مش عارفة ليه كنت باعمل كده
لكن تقدروا برضه تطمنوا على محتوى الالف وخمسميت جلدة ان شاء الله لاني حفظتهم في وورد برس وربنا يكرمنا جميعا وعذرا بقى تعليقاتكوا ما حفظتهاش ادعوا معايا ان اللي بيراجع المدونة يخلص بسرعة وما يكتبش في التقرير بتاعه
There was no violations
بس احجبوها عشان بت رغاية
كان معكم من فشة الحدث نوارة الانتصار جبهة التهييس الشعبية دائما وابدا
Advertisements

25 Responses to “البسكلتة البسكلتة البسكلتة”

  1. TAFATEFO Says:

    ههههههههههههه

    طيب ظبطي الجادجتس اللي على الجنب دي
    :D:D

  2. أحمد عبد الفتاح Says:

    قال يحجبوا جبهة التهييس قال
    ده عالم هبلة بجد
    يراجعوا بقه لو رجالة
    وياستي حتي لو لا قدر الله وحجبوها
    كلها يومين وتكتبي 1500 بوست جداد هي مشكلة يعني ؟
    هههه
    أحلي حاجة في المدونة الجديدة ده يا نوارة ان الار اس اس بيوصل للجوجل ريدر كامل يعني التدوينة بتتقري بالكمال من علي الريدر وبدخل عالتعليق بس

  3. TAFATEFO Says:

    بس على فكره كويس انهم عملوا كده .. استريحنا من الوورج فيريفيكيشن اللي عمانا
    😛

    لا وآل واحد يراجع .. واحد .. ول عايزين وفد من امبابه يراجع المدونه .. وهيطلعوا في مصطلحات مش فاهمينها برضه
    :D:D

  4. ~*§¦§ Appy §¦§*~ Says:

    والله يا نونا مقدرتش اسهر يا اوختى الا انا كنت فى قلب احداث عاصفه تانيه خالص خالص وعرفت المفاجعه الصبح بما انى كنت مسافره
    بس يا عمنا هيرجعوها ولو مش رجعوها هنضطر اسفين نرجع احنا فى وشها مليون ايميل علشان يرجعوها
    ونورتى بلوج سبوت تانى واخواته وجيرانه كلهم وبعدين يا ريس انت نورك مغطى على الكهربا فى قلوبنا من بدرى

  5. TAFATEFO Says:

    آه صحيح

    انشري ايميل السببورت ونبعت ايميلات ليهم

    لو تحبي تجهزي صيغه .. ونبعتها

  6. Nsreen Bsunee Says:

    طيب والنبي الموكوس الل حيراجع ده حيفهم ايه حيجيب مترجم منين هههه خليه بقي يشرب هو اللى جابه لنفسه
    المهم المدونه ترجع بتعليقاتها انشاءلله

  7. ~*§¦§ Appy §¦§*~ Says:

    صحيح هيترجم الكلمات الاعتراضيه بتاعتك ازاى يا نواره هههههههههه على راى نسرين

  8. mado Says:

    طيب يا انسة نوارة. هيراجعو المدونة ازاي
    دول عايزين خبير لغوي متخصص علشان يترجم : )

    وبعدين عايزين نعمل احتفال لما المدونة ترجع ونعزم الحبايب.
    ومش بعيد لما يرجعوها جوجل يديكي جايزة علي نشاطك لان في ايام كان بينزل خمس تدوينات مرة واحدة.
    ودي ظاهرة تستحق الدراسة والمكافأة.

  9. جبهة التهييس الشعبية Says:

    ابعتوا اطلبوا المدونة ترجع على الميل ده
    support@blogger.com

    ولك الاجر والثواب عند الله

  10. مواطن مصري Says:

    اها يبقى اوبما فعلا بداء يراجع المدونات و الفيس بوك زي ما قال

    http://www.computerworld.com/action/article.do?command=viewArticleBasic&articleId=9120298&intsrc=news_ts_head

    لو البلوجر حجب مدونتك يبقى من حقك ترفعي عليهم قضية تعوض زي ما الامن الصيني اخترق ايميل االياهو لناشط مدون هناك و الناشط رفع عليهم قضية تعويض على الياهو و كسبها

  11. TAFATEFO Says:

    البلوجر تيرمز أوف سيرفيس بتديهم الحق يعملوا أي حاجه في أي وقت بدون إبداء أسباب .. وانت بتوافق على كده من الأول

  12. مواطن مصري Says:

    >بس مش من حقهم يمنعو بلوج من باب للطق كدة

    المفروض ان البلوج ملكية خاصة ليا و مش من حق حد يمنع البلوج
    بكرة يمنعو البلوج و بعدو يفتحو الميل و انا نايم

    المفروض يترفع عليهم قضية تعويض في محكمة العدل الدولية او منظمة حقوق الانسان الدولية و ناخد تعويض محترم بتاع مليون دورر او مثلا 20 مليون دورر
    كدة

    انتهاك لحريات الاشخاص \\\

    و الفيس بوك بيقفل اكونتس للناس من غير سبب

    دون الريبورت

  13. انكسارات .. احمد البوهى Says:

    دانا من صباحة ربنا وانا موضوعك ده راوشنى.. يعنى الواحد ينام ويقوم يلاقى روحه من غير مدونة ؟
    انا من النهارده هحافظ على مدوناتى وجايكوهاتى .. وكل واحد ياخد باله من جايكوهو بعد كده
    ــــــ
    وهعمل حملة اتبرع ولو بجنيه لبناء موقع جبار يصلح للتدوين … ويارب اكرمنا

  14. دعاء Says:

    هيه انا كنت صاحية متعكننه وأقول يعني معقول الواحد يصحى ميخشش الجبهة ويشوف نوارة..

    عارفة إن ألي هيراجع ده هيصعب عليا ده محتاج فريق ترجمة شكله إيه؟؟

    انا هبعت ميل لسابورت دلوقتي علشان المدونة ترجع بإذن الله كاملة

    و من فضلك يا ريت تبدائي تسحبي المدونة دي على الورد بريس بعد إذنك علشان محدش يعمل الحركة دي تاني في المدونة الجديدة وتخسري الحاجات الجديدة ألي هتتكتب هنا..

    مبروك رجعوك

  15. خمسة فضفضة Says:

    السلام عليكم ورحمة الله وبركاته

    مبروك يا نواره وعقبال ما ترجع المدونه الاصليه

    ممكن تعملي صيغة ميل موحده وكلنا هانبعتها ان شاء الله علي ميل السبورت ونقعد نزن نزن لحد ما يرجعوهالك

    واي اجراء تاني عاوزانا نبقي معاكي فيه احنا كلنا في الخدمه

    سلام

  16. Ghafari Says:

    يا نوارة.. هو في ايه حصل بالظبط؟ :$

  17. Ghafari Says:

    وكمان مش لاقييكي عالجايكو وعامله اوفلاين.. هو انا عملت حاجه وحشه معاكي 😦

  18. المشخصاتي Says:

    ههههههههههههههههه

    هيقروا كل تدويناتك اللي فاتت ؟!
    دول محتاجين سنتين عالاقل عمال ما يخلصوها قراءة ومش هيفهموها لانها محتاجة واحد مصري يقراها عشان يفهمها ولو فهمها مصري مش هيعرف يترجمها

    انا لو منك ازود عذابهم اليومين اللي جايين واكتب كل يوم 90 بوست عالاقل كلهم كلام متشفر ..عشان تفرقعيلهم دماغتهم

  19. مهندس مصري Says:

    برضه مش فاهم فجأة كده حجبوها ليه ؟
    انا حصلت لي مرة قبل كده في بداية تدويني في اول شهر عملت فيه المدونة
    في بوست يا مرحب يا نظيف باشا 3
    علشان كنت نشرت صور كتير
    فحجبوها 3 ايام لحد ما راجعوها و إتأكدوا إنها مش سبام

    يا ترى بقى إنتي حكاية مدونتك ايه ؟

  20. قلم جاف Says:

    مبروك العودة .. التدوين “نوَّر” من جديد .. 🙂

  21. Bella Says:

    الو يانوراة

    مبروك رجوع المدونة

    عايزين بقى نعمل زي ماعملنا لمدونة ابيتاف وننشر تدوينات عندنا كلنا ونبعت لجوجل عناوين مدونات الناس المشاركة في الحملة دي

    ح اشوف اعمل لك ايفينت انا وهاني زي ماعملنا لابيتاف

    ربنا يسهل

    من عينية الاتنين

  22. سنابل قمح Says:

    حمدلله ع السلامة
    دا إلاإنتي يا نوارة والجبهة دى ضمان لوصول دعم التهييس لمسحقيه
    عقبال ما نبارك برجوع المدونة الأصلية
    لو فيه صيغة واحدة للميل كلنا نبعته يبقي احسن

  23. سنابل قمح Says:

    الله ؟مافيش موديريشن ولا الحروف الخنيقة اياها ؟……..أحمدك يا رب

  24. Lasto-adri *Blue* Says:

    عودتى والعود نوارة
    😉

    حمد لله على سلامة البلوج

  25. Hala El Masry Says:

    حمد الله على السلامة يانوارة ولو انى احترت فى مدوناتك وكنت اعتقد انك انتى ال عاملة كدة مش حد بيضايقك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: