مين المتآمر اللي دخل ساب لي لنك الخبر ده؟ ليه كده؟

مين المتآمر اللي دخل ساب لي لنك الخبر ده؟ ليه كده؟ عايز تموتني حل لي الفرامل، اشتري فرفر وفرغه في دماغي وبعدين حطه في ايدي كأني انا اللي انتحرت، خليني باعدي الشارع وتعالى بسرعة افعصني تحت العربية، سمني، ارميني من الشباك، اخنقني، ولع فيا لكن ليه التعذيب؟ ليه؟ ح تستفيد ايه لما تموتني كمدا؟ علي الدين هلال بيقول علينا متسولين عشان مستنيين الدعم من الحكومة، طيب احنا مش مستنيين الدعم من الحكومة يا حكومة متسولين بحق وحقيق يعني عايشين عوالة على قفانا والضرايب تقليبك اولا، وعاملين زي الشاروقة ما بتشبعوش ابدا والضرايب بتروح فين الله اعلم بتاخدوا معونة من امريكا يا شحااااااااااتيييييييييييييين عشان تخدموا مصالحها يا متسولين ولو على حساب كرامتنا ومصلحة بلدنا، ضاربين على دخل قناة السويس ودخل كل مواردنا وكأننا صحراء جرداء لا زرع فيها ولا ماء ولا غاز طبيعي ولا بترول ولا اماكن سياحية، كل ده واحنا ساكتين وكاتمين في قلبنا واخرتها احنا اللي طلعنا متسولين الله يحرق دمك على المسا حسبي الله ونعم الوكيل، والله العظيم جسمي كله بيتنفض من الغيظ، بس احنا نستاهل، احنا نستاهل…ياللا اقلع الجزمة وادينا بيها، كل قوتي يا عبد الهادي، عشان احنا سايبينكوا عايشين عوالة على قفانا زي البلطجي بتاع الرقاصة…لا فشر، ده زي البلطجي بعد ما انضرب من بلطجي تاني واتشل وهي بتصرف عليه عشان اصلها، ياريتكوا بلطجية على الاقل البلطجي بيحمي الرقاصة من الحرامية والرجالة الناقصة، انما انتوا بتحموا الحرامية والرجالة الناقصة مننا وبتسلكوا لهم عمولات وبتاخدوا، اعانات وبتبلعوا، موارد في بطنكوا، ضرايب وناقص تحطوا لنا عداد على مناخيرنا عشان تحسبوا على كل نفس اتناشر ونص في المية ضريبة مبيعات، ده انتوا بتاخدوا ضرايب على الزبالة يا….لا وتقولوا لنا ان البيبي بتاع الناس هو اللي وقع الجبل، طب ايه؟ هل دي توطئة عشان تاخدوا ضرايب على البيبي كمان؟ بس قسموها بقى، ماهو هو ده الفكر الجديد: بول عادي: 5% ضريبة تش براز عادي: 10.5% طريبة بم بول بلهارسيا: 11.8% ضريبة يالهوي براز امساكي: 2.3% ضريبة مزع براز اسهالي: 15% ضريبة هرررررررررر ايه قرفان؟ طب اقرا علي الدين هلال عشان تعرف ان كلام ورد وياسمين وفي الاخر بقينا احنا اللي متسولين؟ كلم الحكومة تدهيك واللي فيها تجيبه فيك طب واستقلال الشعب عن الحكومة ده ما يشملش قانون الطوارئ يا حلو الملامح …يا ..يا بو الرمش سارح…يا…يا اقرع وفاتن…آه….وكلامك مناتن…آآآآه حماية ايه اللي عايزنها منكوا؟ هو انتوا بتعرفوا تحموا نفسكوا من غير قانون طوارئ وقميص واقي للرصاص مغطي كل حتة مش ناقص غير يبقى برقبة وزعبوط مغربي؟ وقابب من البدلة باينه معمول من فولاذ وللا ايه ده الراجل راح مؤتمر الحزب الوطني وسط الناس بتوعة، وحواليه جيش من الحرس وعمالين يزقوا في الناس كأنهم ماشيين في هارلم حماية الدولة ايه ودعمها ايه؟ فين فلوسنا؟ فلوسنا فين اللي بتاخدوها وتدبوها في جيوب رجال الاعمال وتاخدوا عمولة؟ هم الكام جربوع اللي ما كانوش لاقيين ياكلوا وفجأة بقوا مليارديرات دول جابوا فلوسهم منين؟ بتتخنوا قططكوا من جيبنا وكمان احنا المتسولين احنا عايزين منكوا حاجة؟ احنا عايزينكوا تسيبونا في حالنا
Advertisements

6 Responses to “مين المتآمر اللي دخل ساب لي لنك الخبر ده؟ ليه كده؟”

  1. حـنــّا السكران Says:

    سلامتك يا نوارة ..

    هو فيه ايه ؟ انا طول الليل ما بقدر افتح مدونتك و اتصلت و بعتت رسالة و مافي رد .. انا قلقت عليك جدا .طمنينا .

  2. ... amr Says:

    دة راجل عبيط – مع احترامي للعبيط –
    وحمدا لله على سلامة المطرح :))

  3. V I G A Says:

    أكيد دا كان واحد تايه وملقاش مكان دفا يبات فيه غير هنا لأن باب المدونة مفتوح للكل , هنقول اٍيه عيل وغلط يالا ربنا يسامحه

  4. الشريف / جمال طة Says:

    نـــــــــوارة

    سلامتك وسلامة مدونتك طمنينى عليكى

  5. العجوز Says:

    سلامة امدونه اللى بنصطبح بيها اول النهار تهانىىء

  6. rain drop Says:

    مساء الخير يا نوارة
    الخبر ده اتذاع من دقايق على وكالة رويترز…
    محكمة مصرية تقضي بسجن ضابطي شرطة قتلا رجلا
    القاهرة 15 نوفمبر تشرين الثاني (رويترز) – قال مسؤول قضائي ان
    محكمة مصرية أصدرت حكمها بالسجن لمدة ثلاث سنوات على ضابطي شرطة ربطا
    رجلا في سيارتهما وقاما بجره في الشارع الى ان مات.
    وقال المسؤول ان المحكمة وجدت ان نقيب الشرطة محمد سعداوي وضابط
    الشرطة احمد عبد العال مذنبان بتهمة القتل الخطأ وأفرجت عن كل منهما
    بكفالة 2000 جنيه (362 دولارا) الى ان يتم البت في الاستئناف.
    وأضاف المسؤول ان الرجل القتيل ويدعى عيد أحمد طايع (48 عاما) حاول
    منع الضابط من اعتقال شقيقه ابراهيم المطلوب في جريمة سرقة.
    وتقول منظمات حقوق الانسان الدولية والمحلية ان التعذيب يتم بطريقة
    منهجية في السجون ومراكز الشرطة المصرية. وتحدث ضحايا في الماضي عن تعرضهم
    لصدمات كهربائية وللضرب.
    وتقول الحكومة انها تعارض التعذيب وتحاكم ضباط الشرطة عندما تكون
    هناك ادلة.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: