بخصوص موضوع الاسهم

ما تقولوا كده من الاول، واحد بعت لي مسج على الموبايل ملخصة ومحترمة وفهمتها اخيرا: ح نشتري بلدنا اللي احنا اصلا دافعين فيها ضرايب
آآآآه، يعني البيت باسمي وانا ح اشتريه تاني عشان…عشان ايه بقى؟
يعني ده اعتراف ضمني من الدولة انها هي حاجة والشعب حاجة تانية، طيب، بياخدوا ضرايب ليه؟ الا انا شفت بلاد كتير وقليل، عرب وعجم، خواجات وولاد بلد، الا فرانكا والا تورك والا بيئة
ما شفتش ابدا شعب بيدفع في بلده كل الفلوس دي وما بياخدش منها ولا حتى صلاة النبي
Advertisements

23 Responses to “بخصوص موضوع الاسهم”

  1. TAFATEFO Says:

    يوووووووووووووووووه

    ما قلنا محدش هيدفع حاااااااجه .. حد قالك انك هتشتري

    الأصول .. العمال

    التكتين هنا

  2. جبهة التهييس الشعبية Says:

    لا فهمني
    طب ماهي بتاعتنا اصلا برضه

  3. جبهة التهييس الشعبية Says:

    ثم بيقولوا نصيبنا من 400 لالفين جنيه
    يعني انا بعد كل اللي دفعته في مصر كده نصيبي منها ما بين 400 لالفين؟
    ماهي بتاعتي كلها

  4. حـنــّا السكران Says:

    يعني مصر مطروحة للبيع يا نوارة؟؟ انا مش فاهم حاجة ؟ يعني الاسهم ح تكون مقسّمة بالعدل بين جميع المواطنين أو اللي معاه اكتر يشتري اكتر ؟و الاسهم منين ؟ من اي شركات يعني ؟ و مين رح يدير هالشركات ؟ ناس بيختارها الشعب عشان تدير املاكه الخاصة أو ناس بيختارها رع إله السهم ؟
    و أبو الهول داخل في الحسبة ؟ عشان بكرا لما اروح مصر ..اخد زاوية عند ابو الهول و اقول انا قاعد في ملك نوارة .. ماحدش لو دعوى بيا .

  5. TAFATEFO Says:

    يا ست الناس

    دلوقتي في مصانع .. يبعوا فيها متتبعش .. محدش عايز يشتريها .. ليه

    علشان في قيود على التصرف في الأصول .. وفي قيود العماله اللي مينفعش يسرحها

    تعمل ايه يا هريدي تعمل ايه يا هريدي تعمل ايه يا هريدي

    نديها للناس .. ويبيعوا هما .. وبكده منتعاقدش والضوابط يبقى في ميت حيله وحيله للتملص منها

    مش كده وبس .. الشيطان بس يقول كده

    احنا نديها للناس .. ونسمحلهم يبيعوها .. بدون طرح في البورصه للتنافس على السعر والوصول لسعر يقترب من العادل .. احنا نطرحها في البورصه بعد سنه .. علشان الغلبان يبيع بأي حاجه .. اديني 500 جنيه النهارده .. ومش مهم ألف بعد سنه

    هما 41 مليون حافظه – ثمن الحافظه أقل من ألف .. يعني قيمة الأصول أقل من 40 مليار جنيه
    ليه ان شاء الله .. قيمة أكتر من 120 مصنع بأصولهم أقل من 40 مليار

    لما الغلابه يبيعوا .. نطرح الأسهم في البورصه .. وساعتها نوصل لسعر عادل

    والعمال في داهيه .. هالشعب اللي باع .. هو احنا اللي بيعنا؟؟

  6. TAFATEFO Says:

    ثانياً .. ايه علاقة ما هي بتاعتنا .. ما هم هيسلموهالك في ايدك

    وهما مباعوش القطاع العام كله علشان تقولي بعد كل اللي دفعته .. مع اني أراهنك لو عرفتي اللي دفعتيه راح فين

    اصبري لما يطرح على مجلس الشعب ونشوف القانون كامل في ايدينا هنعرف بقية الأهداف المشبوهه

    بس اللي واضحين وضوح الشمس في كبد السماء دلوقتي الأصول .. والعمال

  7. Founoon Says:

    يا نوارة انتي مصعبة الموضوع على نفسك ليه !

    هيدوكي اسهم ببلاش كدا

    وسعر السهم دا هيعلى ويجيلك واحد عايز يشتري

    هتبيعي هتكسبي

    مش هتبيعي هيفضل معاكي اسهم ليها قيمة

    او

    السهم هينزل

    وتلاقي نفسك بتصرفي ع السهم من جيبك ( اللي انتي اصلا مش دافعه فيه حاجة)

    فيجيلك مشتري

    تقومي تبيعي بأي سعر عشان ما تدفعيش حاجة من جيبك

    سهلة اهي 🙂

  8. جبهة التهييس الشعبية Says:

    ويدوهالي ليه؟ امال هم حكومة ليه؟ ومش دافعة فيها حاجة ازاي؟ مش ده القطاع العام؟ مش انا كنت دافعة فيه ضرايب قبل كده؟
    سؤال محرج
    فيه بلد في الدنيا عملت الحكاية دي قبلنا؟
    حكاية يقسموا البلد وكل واحد ياخد له كبشتين في سلطانية ويتصرف فيهم دي
    حصلت في حتة تانية قبل كده غير عايز حقي؟

  9. جبهة التهييس الشعبية Says:

    طب هم سألونا قبل ما يعملوا الحكاية دي؟
    طب هم لو مش عاجباهم البلد وعايزين يخلصوا منها ومش عارفين يعملوا فيها ايه انا عندي حل اسهل
    ما يهاجروأ؟
    ويصرفوا الفلوس اللي لموها وحطوها في سويسرا على القمار والنسوان ويعيشوا حياتهم بقى ويسيبونا احنا

  10. TAFATEFO Says:

    آه .. الكتله الشيويعيه سابقاً

    وكانت تجربه مقندله بعيد عنك

    بس هما عملوا كده للتخلص من كارثة الشيوعيه وتوزيع الثروه الجتكره عند الحكومه على الشعب .. وبرضه كانت كارثه

    لا الهدف هو الهدف .. ولا احنا دوله شيوعيه

    محمود محيي الدين بيقولك لو الخبراء السوفييت شافوا القانون بتاعنا هيسقفولنا

  11. مهندس مصري Says:

    باقولك إيه ؟
    بصي على آخر بوست عندي
    شرحت فيه الموضوع بالتفصيل على قد ما فهمت
    هنا

    كده 100 لون و كده 100 لون و الكل حيخسر المليون 🙂

  12. جبهة التهييس الشعبية Says:

    يعني ممكن اسرائيل تشتري الاسهم من الناس؟
    بالذات لو ح تدفع فلوس كتير في كل سهم
    لو راح لكل واحد فلاح غلبان وقالت له ح ادفع لك خمسين الف دولار وتأمن وتعيش مطمن
    مش ح يبيعها؟

  13. مواطن مصري Says:

    نوارة اتفرجي على عايز حقي
    و هتفهمي الحوار هما هيخصخصو خصوصي جوة البلد

  14. مواطن مصري Says:

    اولا البيع للمصرين بس

    و لو تم درج الصكوك في البورصة هيبقى فية قيود على الشركات الاجنبية انها تشتري

    نشتريها احنا احسن ما الغريب يشتريها

  15. مهندس مصري Says:

    يا بنتي صدقيني بصي عندي و حتفهمي و ترتاحي

    و شوفي فيديو الـ 3 البدو اللي الشرطة قتلتهم في شمال سيناء و سابت جثثهم مرمية في التراب لحد ما اهاليهم جم شالوا الجثث
    من غير قضية و لا تحقيق و لا تقارير طب شرعي
    و بعدها كان من ابسط حقوق البدو إنهم يهاجموا كمين الشرطة اللي قتل عيالهم و يحتجزوا الـ 25 جندي
    شوفي الفيديو هنا
    هنا

  16. TAFATEFO Says:

    يسيبوها .. بينهبوا ويخربوا فيها بقالهم 30 سنه وما خلصت .. يسيبوها ليه؟؟

    @ مواطن

    قيود؟؟!! قيود ايه يا حبيبي؟؟

  17. جبهة التهييس الشعبية Says:

    انا فهمت من عند مهندس مصري
    خلاص
    لا دي شغلانة مهببة
    انا مش عايزاها
    مش عاجبني المشروع ده وحش

  18. مهندس مصري Says:

    ابقى بص عندي انت كمان يا طفاطيفو علشان جايب سيرتك 🙂

  19. مهندس مصري Says:

    الوزير بنفسه قال إن البيع في البورصة حيكون بدون قيود و الأجانب من حقهم يشتروا الأسهم عادي خالص
    يعني إسرائيل و ام إسرائيل و أبو إسرائيل و عيلة إسرائيل كلها حرة في البيع و الشراء
    اما بالنسبة لإنك مش عايزاه فحنعمل ايه يعني

    زي كل مرة
    حنرقع بالصوت و نشرد لهم على المدونات و نعمل آخر جهدنا في الصويت و فضح بلاوي و مساوئ المشروع المنيل ده

    و ربنا يسهل ما فيه الخير
    إنما إحنا بإيدنا إيه أكتر من كده

  20. مهندس مصري Says:

    وصحيح يا طفاطيفو لو مش عايز تقول رأيك في الفيديوهات
    براحتك
    بس ياريت تكتب تلخيص للفيديوهات الطويلة
    إلهي ربنا يكرمك
    🙂

  21. mido Says:

    رأى لواحد من رجالات النظام عن الموضوع ده وتعتبر وجهة نظر موضوعية

    مصطفى السعيد يكشف لـ «الدستور» : إنشاء جهاز لمشروع إدارة الأصول لا يتدخل فيه الوزير ويتبع رئاسة الجمهورية مباشرة

  22. Sosso Says:

    ya nawwara hani ramzy delwa2tee fel beit beitak, bardou tar7ou gameel chayfeh?

  23. دماغ ماك Says:

    هاتلاقي بوست عندي اسمه
    شركة مصر العربية المتحدة
    فيه الاسئلة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: