ليا مزاج اطلع تلاتينك يا اوباما ع المسا

يا ترى انت نصاب عشان تربيتنا وسقيناك النصب اللي فيه مننا بيروحوا يمارسوه على الخواجات؟ وللا اخدت النصب من ثقافة بيع الهوا الامريكاني بعد ما يعبوه في علبة شكلها حلو ويعملوا لها دعاية؟
هو الشهادة لله احنا نصبنا اطيب كتير، نصب ناس غلابة وخايفين، لكن نصب الفرع التاني بتاعك نصب ناس قوية ومفترية وغيتها المتاجرة في البني ادمين، واسم الله عليك جمعت الفخر من اطرافه
لا وايه، بقى ممنوع حد يشتم اوباما دلوقت! اه والله، فيه تنبيهات في الحكومة المصرية انهم يجروا ناعم مع اوباما
ما داهية يا مدهول تكون رايح لهم من عندنا بفكرة الزعيم الاوحد وح تعمل لهم عبد الناصر الامريكاني!
ههههههههههههه احسن، يستاهلو، واهم واقعين لشوشتهم فيك وهلاهوطة ومدلدلين ودانهم، عشان يعذرونا بس
يا ترى انت بتكرهنا عشان لما اتربيت وسطنا عاملناك وحش مثلا؟ وللا عشان عايز تتنطق بقى وتنسى اصلك واحنا بنفكرك بيه؟ طيب يا كابتن اللي عنده اصل لما رئيس عربي يتصل بيه يهنيه على الاقل يرد المكالمة
قلة الاصل دي جايبها منين؟ من جدك اللي كان بيستعبد الناس؟ وللا من جدك التاني اللي كان اشباه جدك بيستعبدوه؟
الا الولية امك عملت العملة السودا دي فيك وخلتك الصبح بالليل ساعة ما الشروق يدخل في الغروب ليه؟ لا وقاطعة ابونيه مع المسلمين، مرة كيني ومرة اندونيسي
يا اوختشي والله السمعة اياها واللي خلتك تتجوزي مننا دي اوشاعات..اوشاعات والله اوشاعات، حتى اسألي فرانتز فانون
ده احنا حتى عندنا تيليوث
Advertisements

12 Responses to “ليا مزاج اطلع تلاتينك يا اوباما ع المسا”

  1. mido Says:

    يا نوارة فين بية الارشيف؟

  2. جبهة التهييس الشعبية Says:

    لسة المفروض انه يرجع

  3. t3ban Says:

    هو الراجل كان عملك اه لكل ده
    طب استني لما يرقد علي البيض
    ويبقالو مزله

  4. أكون أو لا أكون Says:

    ده كائن هجين… مسيس لصالح اسرائيل… “ده ابن خاله كونداليزا وابن عم جورج بوش” يعني طينه منيله…

    t3ban…
    البيض اساسا فاسد مش حينفع يرقد عليه…!!!

  5. shahe22 Says:

    You just think you’re smart but you’re actually Psycho! go remarry Nawarra, maybe this helps, I feel you hold many grudges against almost everyone.
    Nobody really cares about what you say ’cause you make no sense… plus you’ve prejudgments and you believe in conspiracy theories…
    Forget about America now.. and mind Egypt, ’cause Barack obama is now concentraiting on his own nation, trying to fix what G.W. Bush ruined, he’s not trying to set anyone up, he has a long way to go with his own people.
    there’s so many incedents which are going on now in Egypt that you’re not mentioning in your blog… like Police and tribes clash in Saini… you better talk about things like that.. you’d make more sense ’cause when you talk about them you’d be talking about your own country not others ’cause you’re actually not American.
    Barack Obama’s presedential candidacy has inspired many people around the world, but still he’s not a magician, and he can’t make everyone happy! but the guy is promising to the degree that made him state that the first thing to do when he’s in charge in Jan 20th is pulling out the American troops from Iraq.
    it’s funny when that nytimes correspondent asked you about Obama being elected president of the US and your answer was: “Black Skin, White Masks”! are you kidding me…?
    The good thing about Barack is that he led a hard life, he wasn’t rich, he was a drug addict like many African Americans… that was negative but the positive part is that he knows how many Americans from the low and middle class suffer, and how much they’ve to struggle to make a living, he feels them and he’s work for them.
    now cut the crap nawarra and find something else to make sense when you talk about…
    Plus I dare you to publish my comment… I know you won’t… I see you reject some comments and delete others… do you believe in freedom of speech? let people express their opinions dude 🙂

  6. lastcrazyboys Says:

    انــا مش عارف العالم اللي عشمانــة دي ..عشمانين في ايه ..طب ما الراجل ذات نفســه ما قعدش جنب الحيطة وقال : يا سلام والنبي كلينتون ده راجل عشرة على عشرة ..ولا بوش ده مفيش منه ..لأ ..ده نحت في الصخر ..وجاب اللقمة من فم الأســد..-ياللي مش عارفين نجيبها من “فم الخليج حتى”-
    أنــا بحب “أوبــاما ” .. مابنكرش ده..ولولا الاخوة اللي هروني أسئلة : “يعني ايه توقعاتك..وتنبأتك.”.مكنتش شلت صورته من الماسنجر ..
    انا مليش فيه الكلام ده كله..لأنه السياسة سياسة ..
    انا بحب في الراجل ده حاجتين ..اصراره”حط حاجة معينة في دماغه وعملها”..
    وحتتين السكر اللي عنده ..اللي لا يعرفوا يعني ايه بيت أبيض ..ولا حزب ديموقراطي ..كل اللي يعرفوه ان ده شغل “بابا”

  7. راجى Says:

    يا ستى ليها حق الرجالة بتوع امريكا مالهموش فى الصنف
    :))))

  8. المرصد المصرى Says:

    يانوارة هو السبب اللى علشانة مدونتك اتمسحت من الاخر مش عارف انا قريت فين انه او الطقم اللى معاه لايسمح بمهاجمته
    بس خلى بالك من كده ومش عارف تانى تعليق على الجايكو بيقول ان الراجل الكبير زعلان منك وهيعلق ليكى الرمانة قريب
    وبعدين ايه قصة الجايكو مش عارف يانوارة اشترك فيه ازاى

  9. سنابل قمح Says:

    هما هيرجعوا لك الأرشيف على حلقات وللا ايه ؟
    بتقولي ماردش المكالمة ؟انتي مش بتبصي ف الأهرام ؟عدد الحد اللي قبل اللي فات كان فيه مانشيت حلو أوى بيقولك ايه بقي؟
    أوباما يتطلع للتنسيق مع الرئيس مبارك ف عملية السلام ..وجايبين صورة ليه بيتكلم ف التليفون وهو معوج ومش على بعضه من كتر التطلع والشوق يا عين أمه قاعد يتطلع ع الأخر كأنه قاعد على بوتى مش مقاسه

  10. جبهة التهييس الشعبية Says:

    تعبان
    من قبل ما يعمل حاجة وهو لسة بيقول يا هادي اختار مسئول البيت الابيض ابن لواحد ارهابي بيقول علينا زبالين
    وما ردش مكالمات الرؤساء العرب وبعدين اتصل يدي اوامر لحسني مبارك ويقول ح ابعت لك ناس تباشر الديمقراطية

    اكون او لا اكون
    ما يعيبهوش انه هجين
    المفروض ان حاجة زي دي تخليه عادل
    ماحدش طلب منه ينحاز للعرب وللا يشتم في اسرائيل
    بس يبقى عادي
    يبقى عادي زي اي رئيس امريكي ما يلحسش الجزم
    ورام ايمانويل يقول: وجودي لن يحث اوباما على خدمة المصالح الاسرائيلية، فهو لا يحتاجني ليخدم المصالح الاسرائيلية
    يعني هو مستوي كده في حب اسرائيل

    شاهي 22
    بص يا عم الكتكوت
    انا اكتب عن اللي يعجبني لان دي مدونتي يا استاذ فريدم اوف سبيتش
    اعمل انت مدونة واتكلم على كل الموضوعات اللي تهمك
    اذا كنت صحيح مش مهتم بالكلام اللي انا باقوله زي ما انت قلت ايه اللي بيخليك تدخل وتعلق عندي
    تقدر ببساطة ما تدخلش وما تعلقش
    وبالمناسبة زي ما المرصد المصري بيقول كده
    انا عارفة ان فيه تعليمات عالمية ان ماحدش يهاجم اوباما
    شكه في ان المدونة اتقفلت عشان كده شك وارد وان كنت انا مش ميالة له
    بس اللي اعرفه كويس ان النيويورك تايمز زورت كلامي وان دلوقت ممنوع حد يهاجم اوباما

    طب انا بقى ح اطلع ميتين ابو اوباما بالعربي والانجليزي والعن ابو خاشه واما اشوف ح يعملوا لي ايه؟

    واد نصاب وممثل وصهيوني وذليل ومستعر من اصله وجلد اسود اقنعه بيضاء
    وانا مش عارفة ليه التابعين لاوباما (ما اعرفش بقى بالدماغ وللا متعينين ودي شغلتهم) بيزعلوا قوي من موضوع جلد اسود اقنعة بيضاء ده بالذات

    طب انا بقى ح اعمل له بانر واكتب عليه بلاك سكين وايت ماسك وح اعمل لينك للكتاب على صورته
    واما اشوف بقى الزعيم الاوحد اللي ممنوع حد يهاجمه ده ح يبقى شكله ايه؟

    ده فيه خبر انه ح يتعاون مع ماكين
    يعني ح يتعاون مع ماكين ومعين صهاينة في الحكومة بتاعته ويوم ما فكر يتصل بزعيم عربي بعت يقول له ح ابعت لك ناس تشوفك غاسل سنانك وقاصص ضوافرك وللا لا

    ولو هو صحيح مهتم بس بالشأن الداخلي الامريكي زي ما انتوا بتدعوا كذبا وزورا
    ما خرجش من افغانستان ليه؟
    وللا الافغان دول مش بني ادمين؟
    ما وعدش بقفل سجن جوانتانمو ليه
    ايه يعني ح يخرج من العراق هو محتاج العراق في ايه ماهي مليانة مكاتب سي اي ايه واقتصاديا وسياسيا تابعة لامريكا ايه اللي يخليه يقعد الجيش الامريكي في الحر بقى؟
    لو هو مهتم بالشأن الداخلي، مش بيقطع المعونة الامريكية عن الدول العربية ويرحمنا من الاستعباد ليه؟
    ده ناوي يقلل المعونة من الحكومة ويديها للمجتمع المدني والصحفيين
    !!!!!!!!!!
    وهو يدينا معونة تاني ليه؟
    احنا مش عايزين حاجة ما يقطع المعونة من عندنا خالص
    ابن الوسخة عايز يجند المعارضة بفلوسه
    طيب ما يصلح الاقتصاد بانه يوفر ضرايب الشعب الامريكي للشعب الامريكي احنا مش عايزين حاجة
    ما يصلح الاقتصاد بانه يوفر شوية من الفلوس اللي بتروح لاسرائيل
    اشمعنى دول مش شأن داخلي؟
    ده واحد نصاااااااااااااااب
    واساسا محطوط عشان يجمل صورة امريكا
    عشان كده ممنوع ان حد يهاجمه
    وده ايه ده بقى ان شاء الله؟

    بس يا اخ شاهي وللا اخت ما اعرفش
    good try
    بس ما تخيلش عليا برضه

    بصي نصيحة لوجه الله تعالى انت وكل اللي زيك

    مجرد دخولك وتعليقك على بوست من البوستات على مدونة من المدونات يعني انك مهتم

    فبلاش الكلام بتاع: كلامك مش مهم
    لان لو الكلام مش مهم مش ح تهتم تعلق
    وللا ايه؟

    وبرررررررررررررررضه ح اطلع ميتين ابو اوباما

    لو صحينا الصبح ما لقيناش امريكا وللا حتى فضلت في حالها وطلعتنا من دماغها احنا كفيلين بحل مشاكلنا
    وبالمناسبة مشاكلنا تتحل في ظرف سنة واحدة
    بس امريكا تحل عنا
    اما بالنسبة لنظرية المؤامرة
    فوالله هي اثبتت صحتها ومافيش مرة شكيت في حاجة الا وطلعت صح
    واكيد انا مؤمنة بحرية التعبير على الاقل اكتر من الجوجل الامريكاني اللي انت بتدافع عنهم
    على الاقل انا ما قفلتش لحد مدونته

    lastcrazyboy
    على فكرة فيه حاجة مقلقة
    وبكرة تشوف

    سنابل القمح
    لا يا حبيبتي ده متصل عشان يدي اوامر بروح امه

    طب على الاقل بوش كنا بنقدر نشتمه
    لكن ده التعليمات مشددة انه يتم تمجيده
    طب وحياة امه لاطلع ميتينه وانشالله اعمل له مدونة مخصوص

  11. جبهة التهيس الشعبية Says:

    ايوة يانوارة كلامك صح وانتى كنتى او مدونتك اول ضحية انتى مابتسمعيش الكلام

  12. جبهة التهيس الشعبية Says:

    انتى مالكيش حل الكل قال عليكى عفريته ياجماعه انا القرين اقصد الشبيه بس

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: