Archive for the ‘الصحافة ماتت ولازم نسلم نفسنا’ Category

في اضراب الصحفيين: الخامس

October 22, 2008





الخامس اللي وقع من الصحفيين كانت ايمان عوف وهي في المستشفى دلوقت، انا رحت وقالوا لي ان بابا كان لسة ماشي، وبعد شوية جه الاستاذ احمد سيف الاسلام ابانا الذي في حقوق الانسان ومعاه الدكتورة ليلى سويف وكان هناك محمد عبد العزيز وكانت اول مرة اشوفه برة القفص ومن غير بدلة، الا ازاي المحامي يبقى ببدلة جوة قفص الاتهام؟ 🙂 محمد عبد العزيز عملها بقى، محامي بالبدلة جوة قفص الاتهام مع موكليه، والله البلد دي عبثية
المهم الصحفيين تعبانين قوي، هم دلوقت حداشر، خالد البلشي معاهم على طول لما رحت شفته وقالوا لي انه معاهم كل يوم. (ملحوظة: خالد البلشي دلوقت هو رئيس التحرير عشان الدكتور محمد سيد سعيد في رحلة علاج ربنا يشفيه ويرجعه بالسلامة) وكمان تغطية البديل كانت حلوة قوي للاعتصام المهم دي الصور يعني اللي اخدتها
عرفت ان فيه طلب باجتماع عاجل لمجلس النقابة، يارب يتوافق عليه، وعرفنا كمان ان الدكتور احمد كمال ابو المجد بيحاول يتدخل
Advertisements