Archive for the ‘Uncategorized’ Category

نوارة نجم ومراسلاتها لجهات ايرانية هنا على مدونتها القديمة

February 12, 2012

نوارة ومراسلاتها لجهات ايرانية

نوارة ومراسلاتها لجهات ايرانية

القرموطي

كبير اعيان  نزلة السمان يحييكم اينما كنتم اينما كان  انتماءكم

رسالة الي شباب مصر الاصيل هنا  ساضع بين ايديكم بعض من مراسلات نوارة نجم فبعد نشرنا لمراسلاتها عبر البريد الالكتروني وهذه هي اراده الله ان يلهمها الغباء فى تركها لهذه الرسائل على بريدها، واحد بلسان طويل سامعه بيلسن وبيقول طب ما انا ممكن اعمل ميل باسم نوارة وابعت فيه اي مراسلات يا ناصح  يا ابن الناصح المراسلات بتواريخ قديمة من سنة 2004 ومعانا بريدين واحد عليه 2500 رسالة والتاني عليه اكتر من 200 الف رسالة يعني ما فيش معتوه في الدنيا هيقعد يكلم نفسة ويألف 200 الف رسالة ويعمل 500 حساب واحد لابراهيم عيسى والتاني لمالك مصطفى والتالت لوائل عباس …..الخ  ويكلم برضوا نفسه بيهم باسماء شخصيات عامة  ، المهم مش هرغي كتير انا الصفحه بتاعتي اتقفلت هيا والجروب وكان عدد اعضاءهم اكتر من 100 الف بمجرد نشرنا المراسلات بنصف ساعه فقط ، وهذا دليل علي ان هناك من يقف وراءها ويدعمها بقوه وذلك ما دعانا للنشر على مدونتها انا شخص عادي لا انتمي لاي تيار سياسي ولا حزبي ولا احب انتمي بعد ما  نزلنا كلنا الثورة 30 مليون مصري لقيت شخصيات الاعلام عمال يعمل سبوت عليها قولت اما اشوف هنمشي ورا مين فيهم محبتش اسلم عقلي للاعلام ولا حبيت امشي ورا واحد شكله امور ولسانة معسول ، بحثت وصُدمت  وكلما زاد بحثي كلما زادت صدماتي في شخصيات كنت اظنها شخصيات مثقفة شخصيات وطنية شخصيات الافرانكا ، كل اللى طالبه من الشباب انهم يبحثوا وما يسلموش عقلهم لاي شخص مهما كانت مكانتة ابحث واعرف مرجعيه الشخص اللى  انت ماشي وراه ايه خاصة الاعلام ، مين اصحاب الجرائد مين اصحاب القنوات الفضائية مين بيدعمهم ايه توجهاتهم ايه فكرهم كل ده  لازم تبحث عنه بنفسك ، ونشرى  لمراسلات نوارة نجم ليس كرهاً فيها فهي اقل بكتير من الشخصيات اللى قفشت عليهم ، لسانها يتحدث عن نفسها وكل اناء ينضح بما فيه نشري للمراسلات بهدف ان يعلم  الشباب ان هناك الكثير من  الشخصيات يتنكرون فى زي الوطنية ولكن الحقيقة انهم اما محبين للشهرة او محبين للمال او اصحاب ايدولوجيات تحركهم وتوجههم دول لا تحب الخير لمصر وبالتالى لا اريد ان يتحكم في عقليتك هؤلاء الذين يدعوا النخبة والثقافة والفهم والمفهومية يخدعوك بكلمات ما هي الا ستاره على نواياهم الحقيقية ، اللى بيحب البلد دي يشتغل من اجلها مش يبقى كل همه كام قناه فضائية هيطلع فيها وكام منظمه هينضم ليها ، ابحث يا ابن بلدي وما تصدقش اي حاجه الا اما اتشوف بعينك ، حتى انا ما تصدقنيش الا لما تشوف كل الفديوهات اللى هيتم نشرها على الانترنت بس ارجوك ما تفوتش حلقة لان الموضوع مركب  وبين السطور كلمات لها معاني خطيرة تتوه ان لم تهتم ، اقدر الشباب الثوري جداً  ولكني اهمس في اذنه بهدوء قف مع ذاتك وانظر حولك والسيده نوارة نجم ارجوا ان   تقولي لاتباعك ان يتوقفوا عن ملاحقة صفحاتي مافيش مفر هننشر هننشر في اي مكان حتى الا يميل تم تصويره فديو  وصور برنت سكرين ما تحوليش  وتم رفعه على 100 سيرفر جاهزين  للانطلاق كالمدافع واحد تلو الاخر

  Game Over

 ما هتنكري هتخلينا نضطر ننشر  رسائلك الشخصية جداً ” وجدي  ” اظن المسيدج وصلت عايزانا نزيع هنزيع  انكري انتي بس وانا من عنيا الجوز ومناخيري اللوز  NO MERCEY

———————————

والان ننشر لكم اول دفعه من الفديوهات وصور من المراسلات التي دارت  بينها وبين اسم كودي لمجموعه شيعية تابعه لايران وحزب الله الاسم  الكودي ناصر منصور وكان يتم تبادل المراسلات بين هذا الاسم على اكثر من شخصيه تدعمها على مدونتها جبهة  التهييس الشعبية يوجهون الاعضاء بتعليقاتهم لفكرهم وكذا  توجية نوارة لمكاتباتها على المدونة من هذه  الشخصيات رئبال عبد الله وهو الشخص الرئيسي في هذه المراسلات  http://twitter.com/ribal3

اليكم الفديوهات :

جزء 1 من 16 ( دفعه اولي )

http://www.mirrorcreator.com/files/0321HYMA/1.rmvb_links

جزء2 من 16 ( دفعه اولي )

http://www.mirrorcreator.com/files/1EQZWKC9/2.rmvb_links

جزء 3 من 16 ( دفعه اولي )

http://www.mirrorcreator.com/files/0XR5YBKZ/3.rmvb_links

جزء 4 من 16 ( دفعه اولي )

http://www.mirrorcreator.com/files/I3CMFPZY/4.rmvb_links

جزء 5 من 16 ( دفعه اولي )

http://www.mirrorcreator.com/files/HQCDJSFD/5.rmvb_links

جزء 6 من 16 ( دفعه اولي )

http://www.mirrorcreator.com/files/UKIWTZHW/6.rmvb_links

جزء 7 من 16 ( دفعه اولي )

http://www.mirrorcreator.com/files/4JHWWSZQ/7.rmvb_links

جزء 8 من 16 ( دفعه اولي )

http://www.mirrorcreator.com/files/0V3JYA65/8.rmvb_links

    جزء 9 من 16 ( دفعه اولي )  

 http://www.mirrorcreator.com/files/1DIARZEN/9.rmvb_links

   جزء 10 من 16 ( دفعه اولي )

 http://www.mirrorcreator.com/files/0HGK6DRL/10.rmvb_links

  جزء 11 من 16 ( دفعه اولي )

 http://www.4shared.com/file/TiWfeFrG/11_online.html

   جزء 12 من 16 ( دفعه اولي )

 http://www.4shared.com/file/TEoNKYzy/12_online.html

   جزء 13 من 16 ( دفعه اولي )

 http://www.4shared.com/file/wrI_D4V2/13_online.html

  جزء 14 من 16 ( دفعه اولي )

 http://www.4shared.com/file/0v_Y8oBE/14_online.html

  جزء 15 من 16 ( دفعه اولي )

  http://www.4shared.com/file/Ys3HZ8g8/15_online.html

    جزء 16 من 16 ( دفعه اولي )

 http://www.4shared.com/file/hCqV-27E/16_online.html

=====

 جزء برنت سكرين من بعض المراسلات ” صور ” حملة من احد الروابط التالية:من هنا

 http://jumbofiles.com/60z6azbtfrto/naw1.rar.html

او من هنا

http://www.fileserve.com/file/nmPvCfk

او من هنا

http://ifile.it/39fyi5l/naw1.rar

او من هنا

http://freakshare.com/files/gzju4t9n/naw1.rar.html

او من هنا

http://www.mediafire.com/?77yv31xgqq9nw1q

او من هنا

http://netload.in/datei7z7DN1XBMx/naw1.rar.htm

او من هنا

http://www.filefactory.com/file/c3f8fc9/n/naw1.rar

او من هنا

https://www.rapidshare.com/files/3289057574/naw1.rar

انتظروا الجديد دوماً

لا تسعوا للوصول الينا عبر الانترنت فنحن سنصل اليكم بالمعلومات ديلفري دار دار

مع تحيات القرموطي البلعوطي

ونوجهه سيادتكم للصفحه الجديده

www.facebook.com/karmotytv1

 وان تم اغلاقها كالعاده  سنتحول الي4 ما عليكم الا تغير اخر حرف من 1 : 4 وهكذا ان اغلقت الصفحات بمسلسل الي رقم 100  KARMOTYTV(رقم)

 اللي نفسه طويل يكسب 

والمطلوب من الشباب تحميل الملفات ثم اعادة رفعها ثم نشرها في كل مكان

احنا شباب الحزب العاطل

عاجل عاجل عاجل

November 28, 2008
فيه كتاب اسمه:
اعترافات قرصان اقتصادي: الاغتيال الاقتصادي للامم، بتاع جون بركنز، صادر عن دار الطناني للنشر الكتاب بيتباع في مكتبة مدبولي وتوزيع الاهرام
ونسخته الانجليزية اسمها:
Confessions of an Economic Hit
John Perkins
الكتاب ده اهميته في انه اعترافات واحد من داخل المؤسسة الرأسمالية الامريكية، وبيشرح بالتفصيل ازاي اقتصاديات العالم بتتخرب، وازاي احنا عالم تالت لحد دلوقت، ومين المستفيد، ودي اعترافاته هو شخصيا باللي هو عمله
ارجوكوا اقروه اتوسل اليكوا، قبل ما تتهموني بنظرية المؤامرة والامريكوفوبيا
وبيشرح تورط كل المؤسسات الامريكية بما فيها المجتمع المدني الامريكي، مهم جدا، وربنا يستر والراجل ما يتقتلش، الكتاب ده الافضل مبيعا السنة دي

قلتِ لهم ما قلتِ عن مسيرة الأشجار .. فاستضحكوا من وهمكِ الثرثار

November 27, 2008
جئتُ إليك .. مثخناً بالطعنات والدماءْ
أزحف في معاطف القتلى، وفوق الجثث المكدّسة
منكسر السيف، مغبَّر الجبين والأعضاءْ.
أسأل يا زرقاءْ ..
عن فمكِ الياقوتِ عن، نبوءة العذراء
عن ساعدي المقطوع.. وهو ما يزال ممسكاً بالراية المنكَّسة
عن صور الأطفال في الخوذات.. ملقاةً على الصحراء
عن جاريَ الذي يَهُمُّ بارتشاف الماء..
فيثقب الرصاصُ رأسَه .. في لحظة الملامسة !
عن الفم المحشوِّ بالرمال والدماء !!
أسأل يا زرقاء ..
عن وقفتي العزلاء بين السيف .. والجدارْ !
عن صرخة المرأة بين السَّبي. والفرارْ ؟
كيف حملتُ العار..
ثم مشيتُ ؟ دون أن أقتل نفسي ؟ ! دون أن أنهار ؟ !
ودون أن يسقط لحمي .. من غبار التربة المدنسة ؟ !
تكلَّمي أيتها النبية المقدسة
تكلمي .. باللهِ .. باللعنةِ .. بالشيطانْ
لا تغمضي عينيكِ، فالجرذان ..
تلعقَ من دمي حساءَها .. ولا أردُّها !
تكلمي … لشدَّ ما أنا مُهان
لا اللَّيل يُخفي عورتي .. ولا الجدران !
ولا اختبائي في الصحيفة التي أشدُّها ..
ولا احتمائي في سحائب الدخان !
.. تقفز حولي طفلةٌ واسعةُ العينين .. عذبةُ المشاكسة
( – كان يَقُصُّ عنك يا صغيرتي .. ونحن في الخنادْق فنفتح الأزرار في ستراتنا .. ونسند البنادقْ وحين مات عَطَشاً في الصحراء المشمسة .. رطَّب باسمك الشفاه اليابسة .. وارتخت العينان !)
فأين أخفي وجهيَ المتَّهمَ المدان ؟
والضحكةُ الطروب : ضحكته..
والوجهُ .. والغمازتانْ ! ؟
أيتها النبية المقدسة ..
لا تسكتي .. فقد سَكَتُّ سَنَةً فَسَنَةً ..
لكي أنال فضلة الأمانْ
قيل ليَ اخرسْ ..
فخرستُ .. وعميت .. وائتممتُ بالخصيان !
ظللتُ في عبيد ( عبسِ ) أحرس القطعان
أجتزُّ صوفَها ..
أردُّ نوقها ..
أنام في حظائر النسيان
طعاميَ : الكسرةُ .. والماءُ .. وبعض الثمرات اليابسة .
وها أنا في ساعة الطعانْ
ساعةَ أن تخاذل الكماةُ .. والرماةُ .. والفرسانْ دُعيت للميدان !
أنا الذي ما ذقتُ لحمَ الضأن ..
أنا الذي لا حولَ لي أو شأن ..
أنا الذي أقصيت عن مجالس الفتيان ،
أدعى إلى الموت .. ولم أدع إلى المجالسة !!
تكلمي أيتها النبية المقدسة
تكلمي .. تكلمي ..
فها أنا على التراب سائلً دمي
وهو ظمئً .. يطلب المزيدا .
أسائل الصمتَ الذي يخنقني :
ما للجمال مشيُها وئيدا .. ؟!
أجندلاً يحملن أم حديدا .. ؟!
فمن تُرى يصدُقْني ؟
أسائل الركَّع والسجودا
أسائل الركَّع والسجودا :
ما للجمال مشيُها وئيدا .. ؟!
ما للجمال مشيُها وئيدا .. ؟!
أيتها العَّرافة المقدسة ..
ماذا تفيد الكلمات البائسة ؟
قلتِ لهم ما قلتِ عن مسيرة الأشجار ..
فاستضحكوا من وهمكِ الثرثار !
وحين فُوجئوا بحدِّ السيف : قايضوا بنا ..
والتمسوا النجاةَ والفرار !
ونحن جرحى القلبِ ،
جرحى الروحِ والفم .
لم يبق إلا الموتُ ..
والحطامُ ..
والدمارْ ..
وصبيةٌ مشرّدون يعبرون آخرَ الأنهارْ
ونسوةٌ يسقن في سلاسل الأسرِ،
وفي ثياب العارْ
مطأطئات الرأس.. لا يملكن إلا الصرخات الناعسة !
ها أنت يا زرقاءْ
وحيدةٌ … عمياءْ !
وما تزال أغنياتُ الحبِّ .. والأضواءْ
والعرباتُ الفارهاتُ .. والأزياءْ !
فأين أخفي وجهيَ المُشَوَّها
كي لا أعكِّر الصفاء .. الأبله.. المموَّها.
في أعين الرجال والنساءْ !؟
وأنت يا زرقاء ..
وحيدة .. عمياء !
وحيدة .. عمياء

رد احمد ماهر على ما اشيع من انقسام داخل حركة ستة ابريل

November 27, 2008
قبل ما انشر الرد، انا مش عايزة جليطة وتكبر وخنفان من توجهات سياسية وناشطين فشلوا في اللي نجح فيه مجموعة من الشباب وبدل ما الواحد يفرح بيهم يقوم يتنطط عليهم، ماحدش قال ان شباب ستة ابريل مسييسين ولا مفكرين ولا حد فيهم ماركس ولا حسن البنا ولا حد فيهم ادعى حاجة زي دي، بس هم شباب قرر يبقى ايجابي ويشارك انشالله حتى بتواجده عشان بلده تبقى احسن، والحقيقة انا سافرت معاهم في سراندو وشفت الاسلوب اللي بعض الناس اللي كانت موجودة بتتعامل معاهم بيه: انت يابني قاري ايه؟ انت يابني تصنيفك ايه؟ انت يابني ثقافتك ايه؟ وتسفيه وتغليس لحد ما مشيرة ردت على واحد فيهم وقالت له: انت ما تقعدش تجيبني في ندوات وترغي في ودني، انا عايزة اعمل حاجة، قول لي اعملي حاجة مفيدة وانا انزل من بيتي واروح اعملها
طيب ده سلوك المعارضة المصرية تجاه شباب قرر انه بدل ما يروح حفلة تامر حسني وللا يشرب بيرة في حفلة منير يعمل حاجة مفيدة للبلد، وعملوا نشاطات كتير يشكروا عليها، غير الاضراب بتاعهم اللي كان ناجح، ما اتأخروش في اي حاجة ولا في اي قضية
لما العيال دي يجيلهم دعوة من الخارجية الامريكية بوصفهم اهم وانشط واشطر..الخ، والله انا لو مكانهم وفي ظل التسفيه المتعمد والتربص الدائم المحيط بيا من المعارضة قبل الحكومة كنت ح اتلوح، خصوصا لما ابقى تلاتة وعشرين اربعة وعشرين سنة
لكن اللي حصل ان معظمهم ما اتلوحوش ولا حاجة، وقالوا احنا مش بنتعامل مع حكومات! يعني الكلام بتاع: انت يابني قاري ايه؟ وفاهم ايه؟ وتنظيمك ايه؟ وكادرك ايه؟ وكل القرف ده مالوش اي لازمة ولا له محل من الاعراب، ومش كل فاشل يستكبر ان غيره ينجح في حاجة، ولو المعارضة المصرية مخلصة فعلا المفروض تتعامل معاهم باحترام اكتر من كده وتعترف بان الحركة نجحت في اللي هم فشلوا فيه وتنسق معاهم، بدل ما تسيبهم لقمة للي يسوى واللي ما يسواش والنهاردة هم صبروا وجم على نفسهم وما انبهروش بالدعوة ماحدش عارف لما يفيض بيهم الكيل ح يعملوا ايه؟ انكت منهم وراح يشحت من الامريكان
وفي كلام احمد ماهر ابلغ رد:
مفيش اساسا انقسام ده كله حوار و عنوان مثير كعادة فاروق الجمل اللى بيحب يحور فى الكلام عموما مش هاطول عليكى يا نواره الحركه زى ما انتى قولتى مش حكر على حد الحركه اتكونت من الشباب اللى دعى لاضراب 6 ابريل و حب يكمل مش اللى قال انا حرمت و توبت و بطلت سياسه و حطينا مبادىء و اهداف و كمان لينا هيكل و مسئولين و حوارت كتير مش مكانها على النت اساسا و الجديد بقى يا نواره ان معظم الاعضاء الجداد دلوقتى ماشاركوش فى الدعوه للاضراب و فيه اعضاء ماعندهومش نت اساسا.. ولا كمبيوترتقوليلى ازاى .. اقولك هاحكيلك لما اشوفك .. اصل اكيد هاشوفك فى يوم من الايام المهم ان فيه ناس دعوا للاضراب.. و الجروب اتعمل و حصل اللى حصل فى 6 ابريل فيه ناس كملت فى فكرة تكوين حركه شبابيه مستقله تهدف للتغيير السلمى و ناس اتمسكت بالصدفه و خارجين عاملين فيها مناضلين بالاسم و ناس بطلوا و حرموا و تابوا و ناس مقتنعين بالفكره و مصممين على الانتشار و التوعيه المستمره وسط الناس فى الشارع بهدوووء .. و هدفها فى الاخر هو التغيير زى ما كلنا عايزين ووسائلهم متعدده و مبتكره بعضهم ليه بعض الخبره السياسيه من 2005 و بعضهم مدونين .. و الاغلبيه منهم هما اللى شاركوا لاول مره فى حياتهم فى حدث سياسى يوم 6 ابريل او فى الدعوه ليه يعنى اللى دعى للاضراب يشكر و زى الفل لكن عضو الحركه هو اللى كمل شغل بعدهاو عضو الحركه هو اللى بيفكر مع باقى اخواته و يناقش و ياخد دور و ينزل ينفذ مش اللى يقعد يتمنظر على الناس و يقول انا اتسجنت كام يوم فى اضراب 6 ابريل و هو اساسا بطيخه و اغلبية الاعضاء رفضوا المشاركه فى مؤتمر منظماه الخارجيه الامريكيه .. و زى ما هايفيدوا .. برضه هايستفادوا اغلبية الاعضاء اتناقشوا على الملأ و رفضوا يبقى اللى مصمم يروح مش تبع الحركه و اللى فرحان بالاضواء و امريكا و السبوبه يتحمل هو النتيجه يعنى هو يروح و يتظبط و احنا هنا نشيل مسئوليته ايه رايك؟؟
————
انتهى رد احمد ماهر
انا عايزة بس اقول حاجة، اللي يعارض حكومته يبقى عيب عليه يروح يتمسح وياخد دعم من حكومات تانية حتى لو حكومة الكونغو
واللي بيروح امريكا يستنجد بيها على مبارك يبقى ايه الفرق بينه وبين الجلبي واياد علاوي؟ وانا الحقيقة مش ح استجيب للارهاب الفكري اللي بيمارسه البعض لمجرد ان الواحد بيوصف الامور وبيسمي الاشياء بمسمياتها: دي اسمها خيانة، مالهاش اسم تاني، انت رايح تستجلب قوة خارجية، سواء بقى بالسلم وللا الحرب، على بلدك
حاجة كمان، مبارك بيتعامل مع الادارة الامريكية، والحقيقة هو له صفة وله عذر كمان انه يتعامل مع الادارة الامريكية، بس مبارك قاعد في الحكم اساسا بسبب الادارة الامريكية، ولو علاقة اي معارض باي شيء حكومي امريكي شبه علاقة مبارك تبقى الروس اتساوت في النقطة دي ونبتدي المقارنة بقى ما بينه وبين مبارك في اي حاجة تانية غير ان مبارك قاعد على قلب شعبه بغير رغبتهم بسبب دعم الادارة الامريكية، لان اللي رايح يقول لامريكا هاتيني بدل مبارك ما يصحش يعيب على مبارك تزوير الانتخابات وفرض نفسه على شعب مش عايزه لانه هو بيعمل نفس الحكاية، ولو المنافسة وصلت للنقطة دي بصراحة يبقى مبارك يكسب
على الاقل اخدنا عليه واخد علينا وعرفنا طبع بعض، وايه الاكل اللي بيحبه وايه الاكل اللي بيكرهه، وبينام الساعة كام الضهر
احنا مش ح نقعد نغير في وكلاء الادارة الامريكية هنا..هي مش غية يعني
ووالنبي بلاش الكلام بتاع سعد زغلول ومصطفى كامل ده عشان انا باتنقط، خللي عندنا كرامة بقى، واقع الامر ان مافيش احتلال امريكي في مصر، احنا ليه مصممين نتعامل مع امريكا على انها حكومة الانتداب؟ الناس نفسهم ما قالوش كده، ده ايه تلقيح الجتت ده؟

اممممممممممممم

November 26, 2008

يوم الخميس 27/11 الساعة اتناشر رايحين للنائب العام تاني

November 26, 2008
عشان محمد عادل، يوم الخميس الساعة اتناشر، ح نروح له تاني، انا مش فاهمة هو محمد عمل ايه عشان يتبهدل كده؟ انا ما شفتش عليه ولا عرفت عنه غير شوية رسايل جايكو متخلفة لا تعني اي شيء غير انه واحد بيفضفض عن مكنون نفسه بس بغضب شوية
بس اما يطلع…ح اعلقه من رموشه عشان يحرم ياخد راحته ويفضفض باللي مضايقه تاني على الجايكو
المفروض يكتم في قلبه لحد ما يطق
واللي فينا بيكتم في قلبه يبقى ما يجيش…اي حد فينا ممكن يبقى مكانه وما يلاقيش اللي يقف جنبه

هدية من الشعب الامريكي

November 24, 2008

حاجة بقت تقرف…ايه النجاسة دي؟ الواحد حاسس ان البلد بقت كلها كنيف وكل الناس متعاصة بالقرف، عبيط اللي يتوضى في البلد دي…هو الشعب الامريكي مش ح يرحمنا من هداياه بقى؟ هي مش دي ضرايبه اللي بيشتغل ليل نهار عشان يدفعها؟ ما يعمل بيها لنفسه التأمين الصحي اللي عمالين يعيطوا عليه وكل واحد يترشح في الانتخابات يجري ريقهم عليه، ما يعمل بيها مدارس حكومي بدل تعليمهم المعاتيهي اللي واخد السيط ولا الغنا، ما يلموا بيها الهومليس اللي عندهم قبل ما يلموا المتسولين اللي عندنا، متسولينا احنا اولى بيهم، ما يعملوا بيها شاندوشتات حلاوة بالقشطة….انما مستلمينا بدين ام المعونة النجسة بتاعتهم لما لطخوا لنا البلد كلها بهداياهم البرازية لما خللوا البلد كلها متسولين وكمان اللي يعترض على التسول يبقى مجنون ومؤمن بنظرية المؤامرة

اععععععععععععععع

عاجل وفاة شاب على ايدي الشرطة في اسطبل عنتر

November 24, 2008

احمد محمود شحاتة، السن 19 سنة، عامل رخام، ساكن في خارطة الشيخ مبارك بمصر القديمة ظابط شرطة وقفه واخده تحري وفضل يضرب فيه لحد ما مات، اهله ما سكتوش وقدموا بلاغ راح الظابط ضغط على عمه عشان يتنازل عن المحضر، الجنازة طالعة بكرة الصبح من مشرحة زينهم، واهل الولد واللي في المشرحة مستعدين يشهدوا بالواقعة، ده مش اول واحد ينضرب لحد ما يموت، بس ده اول واحد اهله مش عايزين يسكتوا بالرغم من ضغط القسم عليهم، بس محتاجين حد يقف جنبهم

عسكر عسكر عسكر ليه احنا في سجن وللا ايه؟

November 23, 2008

انا مش عارفة ليه الهتاف ده بالذات بيخليني اعيط؟ انا مش باحب الهتاف قوي، الحقيقة انا باكرهه موت، بس الجملة دي بالذات بتوجعني قوي.


على فكرة انا عرفت اني لو اتحبست ماحدش ح يقف لي غير مركز هشام مبارك وخمستاشر واحد، ده اذا كملوا خمستاشر اصلا، انا لا في حزب ولا في جماعة ولا ليا شلة ولا صييحة في وكالات الانباء العالمية ولا سايبة لي حبيب يبقى مين ح يقف لي؟ اذا كان محمد عادل اللي المفروض كنت متوقعة ان الدنيا تبقى امم امم فوق بعض مافيش غير كام واحد ما حصلوش عشرين نفر هم اللي جم حاجة تكسف بجد، وطبعا اللي كاتب المذكرة مركز هشام مبارك، والمحامي اللي طلع المذكرة للنائب العام هو احمد الجيزاوي. امال انا بقى اللي مقطعة وش تلات اربع البشرية وجايبة مصارينهم تلاتة متر قدامهم؟

ياريت بقى ماحدش يتهم المصريين بالسلبية، لما واحد مختطف، مش معتقل، وعدد اللي عبروه تيت، ومركز هشام مبارك ابانا الذي في حقوق الانسان، يبقى الناس لها حق ما تعملش حاجة ولا تطالب بحقوقها ولا تتحرك وتعيش عمرها تتسول ابسط حقوقها وتوطي على رجلين الامن (اللي بنشكر حضوره بكثافة مما ادى الى نجاح التحرك ولفت نظر السيد النائب العام للكام واحد اللي جم) ويقولوا لهم نحب على رجليكوا اضرب الشلوت يا بيه براحتك بس بلاش في مكان عملية الزايدة

طيب يا اخي افرض مركز هشام مبارك ده كلهم جالهم برد، سافروا مارينا، لا وهم ايه اللي ح يسفرهم مارينا، سافروا جمسة او راس البر، افرض يعني وحد اتقبض عليه؟ يولع بجاز وسخ؟ ثم ان محمد مش مقبوض عليه ده مخطوف

لو مقبوض عليه تبقى شغلانة المحامين، لكن يتخطف؟ احنا فين هنا؟ انا عمالة افكر واكل في نفسي، اللي حصل له ده ممكن يحصل لاي حد فينا، الحمد لله ان العاشرة مساء جات ويارب يذيعوا التقرير

عموما اللي جم ربنا طرح فيهم البركة، لان احمد الجيزاوي فضل ملطوع على باب النائب العام ومش عارف يدخل لحد ما العيال طلعوا على السلم وقعدوا يهتفوا (بصرف النظر عن مشاعري الشخصية تجاه الهتاف واللي هي شبه مشاعري تجاه السبانخ) الا ان لولا كده ما كانش احمد عرف يدخل للنائب العام

واحنا واقفين برة مستنيين قابلت واحدة وشكلها كده كانت جاية تشتكي للنائب العام من داهية سودا، وفعلا طلعت نظرتي في محلها

الاستاذة حنان عرام المحامية جاية تشتكي النيابة العامة للسيد نائب العام، لانها اصبحت غير امينة على حقوق المواطن المصري انا مش ح اتكلم على كلامها

اسمعوها هنا

وهنا

وبعدين
احمد الجيزاوي خرج وقال لنا رقم البلاغ وان السيد النائب العام تعهد بانه يرد علينا في خلال اربعة وعشرين ساعة وطلب من المعتصمين انهم ينزلوا تحت

سبتهم عشان اجي انقل لكوا الفيديوهات وهم دلوقت قدام النيابة العامة ومش متعتعين قبل ما يعرفوا ايه اللي حصل لمحمد

اذا ما كانش عشان هو صاحبهم (وبالمناسبة هو مش صاحبي وما شفتوش في حياتي كلها غير يمكن مرة واحدة) يبقى عشان له اب وام واهل عايزين يعرفوا هو فين ولو كل دول مش مهمين يبقى احنا من حقنا نعرف احنا فين؟ احنا في مصر وللا في شيكاغو؟ اللي خطف محمد الامن وللا عصابات المافيا؟

حاليا دوقت انا عندي شغل

November 21, 2008

ومعلمي ح يرفدني لو ما قعدتش اشتغل، الشغل قد يخلص في اسبوع قد يخلص في شهر

على حسب دعواتكوا، اما نشوف بقى ابقاقكوا طاهرة قد ايه؟ بس انا قدامي شوية كده وارجع لكوا كعودة الندل